वीरगंज (पर्सा), ५ वैशाख । गहवामाईको निशानसहितको डोली यात्रा हजारौँ दशनार्थीको सहभागितामा मंगलबार सम्पन्न भएको छ । वीरगंज महानगर र आसपासका दर्शनार्थीको उपस्थितिमा डोली यात्रा सम्पन्न भएको हो । गहवामाईको धार्मिक अनुष्ठान पूरा गरेपछि वीरगंजका महानगरपालिका नगर प्रमुख राजेशमान सिंह, माईस्थान सञ्चालन समितिका अध्यक्ष नरेन्द्रकुमार शाहलगायतका विशिष्ट व्यक्तित्वको उपस्थितिमा धार्मिक परम्पराअनुसार मन्दिरभित्रबाट डोली यात्रा प्रारम्भ गरिएको हो ।
मन्दिरका मूल पुरोहित राधेश्यामप्रसाद उपाध्यायले डोली तथा निशान पूजाको सम्पूणर् धार्मिक परम्पराअनुसारको अनुष्ठान पूरा गरेपछि डोली यात्रा निकालेको जानकारी दिए । “मंगलबार दिनको २ बजे गहवामाईको हिन्दू धार्मिक परम्पराअनुसारको पूजापाठ सुरुआत गर्यौँ”, उनले भने “२ बजेदेखि ४ बजेसम्म पूजापाठ र आवश्यक प्रक्रिया पूरा गरेर ४ बजेबाट मन्दिर प्राङगणबाट डोली यात्रा निकालिएको हो ।” मूल पुरोहित उपाध्यायले चैतेदसैँमा फूलपाती भित्र््याउने भएकाले पनि रमाइलो उत्सवको रुपमा मनाइएको बताए । “माता भगवतीको आराधना गरेमा समग्र वीरगंजवासीका मनोकाङ्क्षा पूरा हुने विश्वासहित पूजाआर्चा गरिएको हो”, उनले भने ।
डोली यात्रा गहवामाई मन्दिर प्राङ्गणबाट सुरु भई वीरगंजको रोड नम्बर २ हँुदै विर्तामाई मन्दिर, अलखिया मठ, महावीर मन्दिर, घण्टाघर हुँदै गहवामाई मन्दिर प्राङ्गणमा आएर टुङ्गिएको थियो । कतिपय महिला दर्शनार्थी खाली खुट्टा नै डोली यात्रामा सहभागी भएका थिए । वीरगंज महागरपालिकाका नगरप्रमुख सिंहले गहवामाईको निशानसहितको डोली यात्रा निकालेर वीरगंजलाई धार्मिक आस्थाको केन्द्र बनाउन सहयोग पुग्ने बताए । 
प्रतिक्रिया दिनुहोस् !