वीरगंज (पर्सा), १६ चैत । जनमत पार्टी निकट युवा दस्ता पर्साको संयोजकमा मनोज साह चयन भएका छन् । पार्टी निकटका संगठनलाई थप सुदृढ, कृयासिल र लोककल्याणकारी बनाउन जनवर्गीय संगठन बाँडफाड भएको जिम्मेवारी अन्तर्गत युवा दस्ताको जिल्ला संयोजकको जिम्मेवारी साहलाई दिइएको जनमत पार्टी पर्साका अध्यक्ष ओमप्रकाश सर्राफले वताए ।
त्यसैगरी बुद्धिजीवी जनमत संघको जिल्ला संयोजक लिला कुमारी साह, थारु जनमत संघ पर्सा जिल्ला संयोजक श्याम चौधरी थारु, मजदुर जनमत संघ पर्साको जिल्ला संयोजक विष्णु कुशवाहा र दलित जनमत संघ पर्साको जिल्ला संयोजकको जिम्मेवारी नरेश रामलाई दिइएको अध्यक्ष सर्राफले जानकारी दिए ।
त्यसैगरी पार्टीको शुभेच्छुक संगठन शिक्षक जनमत संघ पर्साको जिल्ला संयोजकको जिम्मेवारी उमेश ठाकुरलाई दिइएको छ । जिम्मेवारी बाँडफाड बारे पार्टीका पर्सा जिल्ला इन्चार्ज माधव सिंह र पर्सा जिल्ला अध्यक्ष सर्राफले हस्ताक्षर गरेको पत्र मार्फत पार्टीको केन्द्रिय सचिवालयलाई समेत जानकारी गराइएको छ ।
प्रतिक्रिया दिनुहोस् !