कलैया (बारा), ३ चैत । वीरगंज स्थित नेशनल मेडिकल कलेजले दलित बस्तीमा निःशुल्क दन्त शिविर संचालन गरेको छ । बारा जिल्लाको महागढीमाई नगरपालिकाका वडा नं. ७ तेलकुवा स्थित आयोजित निःशुल्क दन्त शिविरलाई नगरप्रमुख उपेन्द्र प्रसाद यादवले उद्घाटन गरेका थिए ।
सो बखत उनले स्वास्थ्य क्षेत्रमा सुधारको लागि नेशनल मेडिकल कलेजको भूमिका सह्रानीय रहेको बताए । नेशनल मेडिकल कलेजले स्वास्थ्यको साथसाथै शिक्षण क्षेत्रमा पनि उत्तिकै महत्वपूणर् योगदान पुर्याएको नगर प्रमुख यादवले बताए । नेशनल मेडिकल कलेजबाट हरेक बर्ष बिद्यार्थीहरुले शिक्षण गरेर नेपालको विभिन्न ठाउँमा चिकित्सकको रुपमा खटेर स्वास्थ क्षेत्रमा सुधार ल्याएको बताउँदै उनले अब यस कलेजले गाउँगाउँ टोलटोलमा निःशुल्क स्वास्थ शिविर संचालन गरेर जनताको सेवामा लाग्नुपर्ने बताए ।
महागढीमाई नगरपालिका वडा नं. ७ का वडाध्यक्ष शिवेन्द्र प्रताप सिंहको सभापतित्वमा आयोजित शिविरमा डा. अभिनाश सिंह, डा. हरेन्द्र मोहन सिंह, डा. राजेश साह, डा. सुर्बी मिश्रा, डा. सिमा यादवले २ सय भन्दा बढि दन्तका विरामीहरुको चेकजाँच गरेका थिए ।
प्रतिक्रिया दिनुहोस् !