वीरगंज (पर्सा), ३ चैत । वीरगंजको घण्टाघर चोकमा आयोजना गरिएको रक्तदानमा ६२ पोका रगत संकलन भएको छ । अभिभवक संघ पर्साले वीरगंजमा आयोजना गरेको कार्यक्रममा ६२ पोका रगत संकलन भएको हो । खुल्ला रक्तदान कार्यक्रममा ४ महिला सहित ६२ जनाले रक्तदान गरेको संघका अध्यक्ष सन्दिप साहले बताए ।
रक्तदान गर्नेहरुमा पुजा ढकाल, मनिषा कुमारी झा, पुनम यादव, ओनिका कुमारी, बलिराम चौधरी, सुशिल कुमार साह, बिवेक प्रसाद साह, राहुल सर्राफ, अरुण साह, सन्दिप सर्राफ, आकाश कुमार साह, राजकुमार राय, नरेन्द्र कुमार तिवारी, राजिव ठाकुर, अजित कुमार मण्डल लगायत रहेका छन् । रक्तसञ्चार केन्द्र वीरगंजमा रगतको अभाव भएपछि होलीको अवसर पारेर कार्यक्रमको आयोजना गरिएको उनको भनाइ छ । कार्यक्रममा शाश्वत बचत तथा ऋण सहकारी संस्था लिमिटेडले सहयोग गरेको छ भने प्राविधिक सहयोग रक्तसंचार केन्द्र वीरगंजले गरेको थियो ।
संघका अध्यक्ष सन्दिप साहको अध्यक्षतामा भएको कार्यक्रममा प्रमुख अथिति वीरगंज महानगरपालिकाका पूर्व मेयर बिजय कुमार सरावगी, विशिष्ठ अतिथि जिल्ला प्रहरी कार्यालय पर्साका प्रहरी उपरीक्षक कुमोध ढुंगेल, अतिथिहरु बुद्धिजीवी परिषद् नेपालका मधेश प्रदेश अध्यक्ष शम्भु गुप्ता, पर्सा जिल्ला फुटबल संघका अध्यक्ष अनिल कुमार कलवार, जनमत पार्टीका जिल्ला अध्यक्ष ओमप्रकाश सर्राफ लगायतको उपस्थिति रहेको थियो ।
प्रतिक्रिया दिनुहोस् !