कलैया (बारा), २५ माघ । जिल्ला प्रहरी कार्यालय बाराले जितपुरबाट बुधबार नक्कली नोट सहित ५ जनालाई नियन्त्रणमा लिएकाे छ ।
सर्लाहीकाे चन्द्रनगर गाउँपालिका वडा नं. ३ निवासी रामचन्द्र महतो कोईरी, बाराकाे परवानिपुर गाउँपालिका वडा नं. ५ निवासी सुमित साह, संतोष पटेल, वीरगंज महानगरपालिकाकाे वडा नं. १० निवासी बिशाल कुमार श्रीवास्तव र निरज श्रीवास्तवलाई प्रहरीले नियन्त्रणमा लिएकाे जिल्ला प्रहरी कार्यालय बाराकाे प्रवक्ता प्रहरी नायब उपरीक्षक दधिराम न्याैपानेले जानकारी दिए ।
जितपुरसिमरा उपमहानगरपालिकाकाे वडा नं.७ जितपुर बजारमा नक्कली नोटको कारोबार गरिरहेको अवस्थामा तत्काल १ जना र उक्त कार्यमा संलग्न अन्य ४ जना विभिन्न ठाउँहरुबाट पक्राउ गरीएकाे प्रवक्ता न्याैपाने वताए ।
उनका अनुसार पक्राउ परेकाकाे साथबाट एक हजार दरको नोट ६१ थान नक्कली नोट र भारतीय सिमकार्ड सहितको मोबाईल ७ थान समेत बरामद भएकाे छ । निजहरुलाई प्रहरी हिरासतमा राखेर आवश्यक अनुसन्धान प्रकृया अगाडी बढाईएको छ ।
प्रतिक्रिया दिनुहोस् !