जन्मदिनको अवसरमा विद्यार्थीहरुलाई खाना

वीरगंज (पर्सा), २२ माघ । छोराको जन्मदिनको अवसरमा वीरगंजको बहिरा विधालयमा अध्ययनरत विधार्थीहरुलाई एक छाक खाना खुवाईएको छ । बाराको परवानिपुर गाउँपालिका वडा नं ५ बहुअरी निवासी विन्देश्वर पटेलका छोरा चार वर्षिय विशु पटेलको जन्मदिन यसपाली वीरगंज महानगरपालिका वडा नं १३ स्थित राधेमाई टोलमा रहेको बहिरा विद्यालयमा अध्ययन गरिरहेको २५ जना विधार्थीहरुलाई एक छाक खाना खुवाएर मनाईएको हो ।

छाेराकाे जन्मदिनकाे अवसरमा विद्यालयमा अध्ययन गरिरहेका २५ जना विधार्थीहरुलाई एक छाक खानाको ब्यवस्था बहुअरी निवासी विन्देश्वर पटेलले गरेको विद्यालयकी अर्चना कर्णले जानकारी दिईन । उनी भन्छिन “ जन्मदिन मनाउनु अगाडी विशु पटेलका बुवा विन्देश्वर पटेल विद्यालयमा आएर आफ्ना कुरा हामीलाई राख्नुभयो । वहाको कुराले विद्यालयका समपूर्ण सर, मिसहरु एकदमै खुःसी भए । वहाको यो सामाजीक सदभावले विद्यार्थीहरुमा एक किसिमको खुःसी छायाे ।”

बेलाबखतमा विभिन्न सामाजीक व्यक्तित्वहरु यस विद्यालयमा आएर सहयोग गरिराख्नु हुन्छ । यसबाट हामीलाई पनि विद्यालय चलाउनमा सहज भएको अर्चनाले बताईन । विशुका बुवा विन्देश्वर पटेलले छोराको जन्मदिन यस विद्यालयमा मनाउन पाउँदा आफु र आफ्नो परिवार धेरै खुसी भएको बताए ।

उनले भने“ धेरै दिनदेखी मेरो मनमा एउटा सोच थियो कि छोराको जन्म दिनमा कुनै सामाजीक कार्य गरौ । ठीक त्यही समयमा एकजना मेरा साथीले बहिरा विद्यालयकाे बारेमा सुनाउनुभयो । उनको कुरा मलाई एकदमै राम्रो लाग्यो र उनको सुझाव अनुसार नै हामी परिवारका सबै सदस्यहरु विद्यालयमा पुगी छोराको जन्मदिन बहिरा विद्यार्थी खाना खुवाएर केक पनि काटयौ ।”

सो अवसरमा बहुअरी निवासी सन्नी साह, संदिप पटेल, शुसिल पटेल, विशुका चाचा सागर पटेल, विद्यालयका प्रधानाध्यापक सगुन श्रेष्ठ, शिक्षक, शिक्षिका लगायत विधार्थीहरुको उपस्थिति रहेको थियो ।