वीरगंज (पर्सा), १८ पुस । वीरगंज महानगरपालिकाको आमसंचार माध्यम प्रर्बद्धन तथा नियमन समितिको आज सम्पन्न बैठकले ज्येष्ठपत्रकार पेन्सन योजनाको कार्यबिधी तयार भईसकेको हुदा त्यसलाई नगरपरिषदबाट पारित गरेर कार्यान्वयनका लागि लैजाने निणर्य गरेको छ ।
बैठकले संचारकर्मीहरुका सूचना विज्ञापन प्रकाशन बापत लेखा शाखामा रोकिएको भुक्तानीको लागि आवश्यक समन्वय गरी तत्काल भुक्तानी गराउने निणर्य गरेको छ । यसैगरी बैठकले महानगरपालिकाबाट जारी हुने सूचना विज्ञापनहरु एकद्धार प्रणालीबाट बितरण गर्ने र सूचना शाखाबाट समानुपातिक ढंगले सूचना र विज्ञापन वितरण गरी भुक्तानीका लागि सूचना शाखाको सिफारीस अनिवार्य गर्ने निणर्य गरेको छ । बैठकले सूचना शाखाको जानकारी बिना सूचना टेण्डरहरु जाने गरेको देखिएको हुदा अन्यथा यस्ता गतिबिधिको जवाफदेहि समिति नहुने निणर्य गरेको छ ।
यसैगरी बैठकले लोक कल्याणकारी विज्ञापनको दोस्रो त्रैमासिक भुक्तानीको लागि आवश्यक प्रक्रिया अगाडि बढाउने समेत निणर्य गरेको छ । आमसंचार माध्यम प्रबद्र्धन तथा नियमन समितिका संयोजक ध्रुब अधिकारीको अध्यक्षतामा सम्पन्न बैठकमा समितिका सदस्य अनुप तिवारी,राम शर्राफ, मनोज पटेल, माधुरी महतो, अमित अग्रवाल, आबिद हुसैन, बृजलाल पासवान, महानगरपालिकाका प्रशासन प्रमुख राजकृष्ण ताम्राकार,प्रकाशन प्रशारण तथा सूचना शाखा प्रमुख एवं समितिका सदस्य सचिव हरिओम प्रसाद चौधरी,कानुन अधिकृत ईश्वर बराल लगायतको सहभागिता रहेको थियो । 
प्रतिक्रिया दिनुहोस् !