जनकपुरधाम (धनुषा), २ असोज । जनमत पार्टीको राष्ट्रिय अध्यक्षमा डा. सीके राउत निर्विरोध निर्वाचित भएका छन् । पार्टीको दोस्रो महाधिवेशनअन्तर्गत बिहीबार मनोनयनपत्र दर्ता गर्ने कार्यक्रम रहेकामा अध्यक्ष पदमा डा. राउतको मात्र उम्मेदवारी परेपछि उनी निर्विरोध भएका हुन् । अध्यक्ष पदमा निर्विरोध भए पनि अन्य पदमा निर्वाचन हुने सम्भावना छ । जनमत पार्टीको दोस्रो महाधिवेशन आगामी असोज ९ र १० गते वीरगंजमा हुँदैछ ।
उम्मेदवारको प्रारम्भिक सूचीअनुसार ७ जना उपाध्यक्षका लागि १४ जनाको उम्मेदवारी परेको छ । उपाध्यक्ष पदमा वसन्तकुमार कुशवाहा, अनिता साह, अनिता मण्डल, डा. जयकान्त राउत, नरेन्द्रप्रसाद चौधरी, माधवप्रसाद सिंह, राजकुमार यादव त्यागी, डा. कमरुल्लाह अंसारी, सञ्जयकुमार मिश्र, मदनेशकुमार चौधरी, परमेश्वर मुर्मु, रोसन खातुन, हरपाल सिंह सोडी र मनोहरी देवी वैठाले उम्मेदवारी दिएका छन् । उम्मेदवारहरू क्रमशः रौतहट, धनुषा, सिरहा, सप्तरी, कपिलवस्तु, पर्सा, सिरहा, बारा, रुपन्देही, सप्तरी, मोरङ, बारा, बाँके र सर्लाहीका हुन् ।
जनमत पार्टी केन्द्रीय निर्वाचन समितिका सदस्यसचिव राजेशकुमार मण्डलका अनुसार एकजना निर्वाचित हुने महासचिव पदमा ममता झा, चन्दनकुमार सिंह र सञ्जयकुमार यादवको उम्मेदवारी परेको छ । उनीहरू क्रमशः सप्तरी, महोत्तरी र सिरहाका हुन् । त्यस्तै, एकजना निर्वाचित हुने उपमहासचिव पदमा सिरहाका निर्मलकुमार मण्डल र रौतहटका ललितचन्द्र मल्लिकको उम्मेदवारी परेको छ । ७ जना निर्वाचित हुने सचिव पदमा १० जनाको उम्मेदवारी परेको छ । सचिव पदमा सन्तोषकुमार सहनी, सुरेन्द्र शर्मा मधेशी, हरेन्द्र चौधरी, अन्जनीदेवी, रोहित महतो, पारसप्रसाद साह, राधाकुमारी यादव, बाल गोविन्द चौधरी, वीरेन्द्र महतो (जीवन त्यागी) र रामबाबु साहले उम्मेदवारी दिएका छन् ।
उम्मेदवारहरू धनुषा, सप्तरी, रौतहट, महोत्तरी, सिरहा, बारा, बाँके र नवलपरासीका हुन् । पार्टीको कार्यकारिणी सदस्य पदमा विभिन्न जिल्लाबाट उम्मेदवारी परेको छ । प्रारम्भिक सूचीअनुसार सप्तरीबाट थानेश्वरप्रसाद साह, शम्भुकुमार साह, महेशप्रसाद यादव, रामगमन साह, मञ्जुकुमारी चौधरी, उपेन्द्रप्रसाद साह, सञ्जीव नारायण यादव, सञ्जयकुमार यादव, देवनारायण साह, सुरतलाल साह, विशेश्वर रजक, प्रियंका कुमारी संत, मुकेश मैरता र शिवनन्दन महतोले उम्मेदवारी दिएका छन् ।
रौतहटबाट व्रजकिशोर राय यादव, रामलाल राय यादव, डा. रामशंकर ठाकुर, विजयप्रसाद पटेल र मो. असदुल्लाहको उम्मेदवारी परेको छ । सिरहाबाट गोपालप्रसाद यादव, अरविन्द सहनी, दुष्यन्तकुमार कर्ण, विनोदकुमार यादव, रञ्जितकुमार साह, जागेश्वर साह तेली, प्रदीपकुमार महतो र रामजुलुम साहले उम्मेदवारी दिएका छन् । महोत्तरीबाट सन्तबहादुर साह र वीरेन्द्रकुमार मण्डल तथा धनुषाबाट कौशलेन्द्र गिरी, डा. सुरेन्द्रप्रसाद यादव, मो. सावीर राइन, अशोककुमार साह, ब्रह्मदेव महतो, सञ्जय प्रधान, रामपुकार यादव र सञ्जयकुमार ठाकुरको उम्मेदवारी परेको छ ।
कार्यकारिणी सदस्यमा नवलपरासी पश्चिमका अमिरुल्लाह जोल्हा, कपिलवस्तुका विनोदकुमार चौधरी, काठमाडौंका श्यामसुन्दर साह, बर्दियाकी दीपिका यादव, सुनसरीकी आशा कुमारी मेहता, रुपन्देहीका निलु कुमारी चौधरी, शिवचरण केवट, लक्ष्मी चौधरी र धीरजकुमार चौधरीले पनि उम्मेदवारी दर्ता गराएका छन् । बाराबाट सद्दाम अंसारी, राजकुमार कुशवाहा, फिरोज अंसारी, राजुप्रसाद साह, शिवनाथप्रसाद पटेल, सुरेशप्रसाद, विकासकुमार सिंह, सन्तोषप्रसाद पटेल, गाजानन्दप्रसाद यादव, राजेश साह र विजय गुप्ताको उम्मेदवारी परेको छ ।
पर्साबाट राज गिरी, नाजमा खातुन, अनितादेवी रौनियार, मालती कुशवाहा, विनय यादव र सन्तोष साहले कार्यकारिणी सदस्य पदमा उम्मेदवारी दिएका छन् । त्यस्तै, रुपन्देहीका निलम पासमान, मोरङका वीरेन्द्रकुमार मण्डल र झापाका अमृतलाल महतोको उम्मेदवारी पनि कार्यकारिणी सदस्यमा परेको छ । सर्लाहीबाट श्रीचन राय यादव, सुवोधकुमार मण्डल, कलिम, सुनिलप्रसाद गुप्ता र विष्णुप्रसाद गुप्ताले उम्मेदवारी दिएका छन् । बाँकेका विष्णुप्रसाद गुप्ताको नामसमेत कार्यकारिणी सदस्यको सूचीमा उल्लेख छ ।
जनमत पार्टीको दोस्रो महाधिवेशनबाट अध्यक्षसहित विभिन्न पदाधिकारी तथा कार्यकारिणी सदस्य चयन हुनेछन् । अध्यक्षमा डा. राउत निर्विरोध भए पनि अन्य पदमा परेको उम्मेदवारीअनुसार निर्वाचन प्रक्रिया अघि बढ्ने जनाइएको छ ।
प्रतिक्रिया दिनुहोस् !