वीरगंज (पर्सा), ११ वैशाख । वीरगंज बचत तथा ऋण सहकारी संस्था (विस्को) लिमिटेडले आफ्नो २८औं स्थापना दिवसको अवसरमा रक्तदान कार्यक्रम आयोजना गरी सामाजिक उत्तरदायित्व प्रस्तुत गरेको छ । उक्त कार्यक्रममा ३ जना महिलासहित कुल ३० जनाले रक्तदान गरेका थिए ।
रक्त सञ्चार केन्द्र वीरगञ्जका अनुसार संकलित रगत आपतकालीन उपचारमा प्रयोग गरिनेछ, जसले बिरामीहरूलाई ठूलो सहयोग पुग्ने अपेक्षा गरिएको छ । रक्तदान कार्यक्रममा गीता पौडेल, वर्षा शाक्य, सञ्चारकर्मी युवराज खड्का, दीपेन्द्र साह, कृष्ण पटेल, विजयलाल नकर्मी, आशिष पौडेल, हिमांशु गुप्ता, नरेश चौधरी, राकेश कुमार गुप्ता, मदन पटेललगायतको सक्रिय सहभागिता रहेको थियो ।
संस्थाका अध्यक्ष डिल्ली विक्रम कार्कीको अध्यक्षतामा सम्पन्न कार्यक्रमको उद्घाटन हरेराम प्रसादले गरेका थिए । कार्यक्रममा म्यानेजर बृजेश गुप्ता, सचिव ललिता आमात्य, रेशमकोठी उपशाखाका युवा संयोजक अभिलाष गुप्तालगायतको उपस्थिति रहेको थियो ।
प्रतिक्रिया दिनुहोस् !