वीरगंज (पर्सा), ६ वैशाख । वीरगंजमा सडक विस्तार हुन थालेपछि विधुत सेवा अवरुद्ध भएको कारण जनजीवन प्रभावित भएको छ । विद्युत अवरुद्ध भएपछि वीरगंज क्षेत्र पानीको अभावका काकाकुल बनेको छ । सडक विस्तारको बहानामा इन्टरनेट सेवा प्रदायकहरूले सेवा अवरुद्ध गरेपछि यहाँका बासिन्दाहरूको सञ्चार सम्बन्ध समेत विच्छेद भएको छ ।
नेपाल टेलिकम र एनसेलको फोर जी सेवा समेत अवरुद्ध भएको छ । इन्टरनेट सेवा अवरुद्ध हुँदा वीरगंजका रेडियो, पत्रपत्रिकालगायतका सञ्चार संस्थाहरूले समाचार प्रवाह गर्न समस्या परेको छ । प्रचण्ड गर्मीको समयमा विजुली पानी र सञ्चार जस्ता अति आवश्यक सेवा अवरुद्ध हुँदा वीरगंजवासी तनावमा छन् ।
सडक विस्तार गर्नु पूर्व अपनाउनु पर्ने पूर्व तयारी हुन नसकेको र सेवा प्रदायक संस्था तथा इकाइहरूले समेत सो अनुरुप तयारी नगरेको भन्दै नागरिक स्तरमा आक्रोश देखिएको छ । पानी उत्पादनक कम्पनीहरूले विजुली अभाव र डिजेलमा चर्को मुल्य भन्दै पानी उत्पादन गर्न छोडे पछि नगर क्षेत्रमा ड्र्रिङकिङ वाटर समेत किन्न पाइरहेको छैन ।
विजुली, पानी, सडक र सञ्चार समेत अवरुद्ध हुँदा सरकार सम्बेदनसिल नभएको पीडित नागरिकको गुनासो छ ।
प्रतिक्रिया दिनुहोस् !