वीरगंज (पर्सा), ४ वैशाख । पूर्व–पश्चिम राजमार्ग अन्तर्गत पथलैया–हेटौँडा–नारायणघाट सडक खण्डलाई चार लेनमा विस्तार गर्ने प्रक्रिया अघि बढाइएको छ । करिब १०० किलोमिटर लामो यो सडक एसियन डेमलपमेन्ट बैंक (एडीबी) को वित्तीय सहयोगमा निर्माण हुन लागेको हो ।
आयोजनाको वातावरणीय प्रभाव मूल्यांकन प्रतिवेदन सार्वजनिक भइसकेको छ भने अब छिट्टै अन्तर्राष्ट्रिय ठेक्का आह्वान गर्ने तयारी भइरहेको छ । आयोजनाको कुल लागत करिब ५४ अर्ब रुपैयाँ अनुमान गरिएको छ, जसमा एडीबीले २८५ मिलियन डलर सहुलियत ऋण र २० मिलियन डलर अनुदान उपलब्ध गराउनेछ ।
आयोजना निर्देशनालयका प्रमुख चुडाराज ढकाल का अनुसार अबको एक महिनाभित्र ठेक्का प्रक्रिया सुरु गरिनेछ । यस पटक ठेकेदार छनोटमा ‘क्वालिटी एण्ड कस्ट बेस्ड सेलेक्सन’ विधि अपनाइनेछ, जसमा ८० प्रतिशत मूल्याङ्कन प्राविधिक क्षमता र २० प्रतिशत मात्र लागतलाई दिइनेछ ।
प्रतिक्रिया दिनुहोस् !