वीरगंज (पर्सा), ४ वैशाख । अधिकतम् खुद्रा मूल्य सम्बन्धी विषयमा केन्द्रित बृहद छलफल तथा ‘समृद्ध मधेश’ नामक पुस्तक विमोचन कार्यक्रम शुक्रबार वीरगंज उद्योग वाणिज्य सङ्घको सभाहलमा सम्पन्न भएको छ । छलफलमा पर्सा जिल्लाका विभिन्न कारोबारमा संलग्न आयातकर्ताहरूको उल्लेखनीय सहभागिता रहेको थियो ।
सहभागीहरूले नेपाल सरकारले हालै सार्वजनिक गरेकोसूचनालाई १५ दिनभित्र कार्यान्वयन गर्न व्यवहारिक रूपमा कठिन हुने धारणा व्यक्त गरेका थिए । छोटो समयसीमाभित्र लागू गर्न खोज्दा व्यवसायीहरूमा अन्योल सिर्जना भएको उल्लेख गर्दै सरकार र निजी क्षेत्रबीच सहकार्य र संवाद आवश्यक रहेको बताए ।
यसैबीच, नेपाल उद्योग वाणिज्य महासङ्घ मधेश प्रदेशका निवर्तमान अध्यक्ष अशोक टेमानीद्वारा लिखित ‘समृद्ध मधेश’ पुस्तकको समेत विमोचन गरिएको थियो । उक्त पुस्तकमा मधेश प्रदेशको समग्र विकास, लगानीका सम्भावना तथा नीतिगत मार्गचित्रबारे विस्तृत रूपमा समेटिएको छ । यसअघि सो पुस्तक जनकपुरमा आयोजित कार्यक्रममा मुख्यमन्त्रीद्वारा विमोचन गरिएको थियो ।
प्रतिक्रिया दिनुहोस् !