वीरगंज (पर्सा), २३ चैत । भारत–नेपाल सीमास्थित वीरगंज–रक्सौल एकीकृत सुरक्षा जाँच चौकी पूर्ण रूपमा सञ्चालनमा आउने भएको छ । नेपालका अर्थमन्त्री डा. स्वर्णिम वाग्लेले हालै आइसिपीको निरीक्षण गर्दै यहाँ छिट्टै ‘यात्री शाखा’ प्यासेन्जर टर्मिनल सञ्चालनमा ल्याइने घोषणा गरेका थिए ।
यस नयाँ व्यवस्था अन्तर्गत अब तेस्रो देशका विदेशी पर्यटकहरूले इमिग्रेशन र कस्टमसम्बन्धी सम्पूर्ण सुविधा आइसिपी परिसरमै प्राप्त गर्नेछन्, जसले भारत–नेपालबीचको द्विपक्षीय पर्यटनलाई नयाँ गति दिने अपेक्षा गरिएको छ । नयाँ व्यवस्थापछि पनि सामान्य भारतीय र नेपाली नागरिकका लागि पुरानो भन्सार नाका (मैत्री पुल) पहिलेकै जस्तो आवतजावतको मुख्य केन्द्र रहनेछ ।
आइसिपीलाई पूर्ण क्षमतामा सञ्चालन गर्न अर्थमन्त्रीले दिएको निर्देशन अनुसार मुख्य व्यापारिक मार्गमा पर्ने चाप कम गर्नका लागि युद्धस्तरमा काम भइरहेको वीरगंज भंसार कार्यालयले जनाएको छ । नयाँ यात्री सेवा शुरू भएपछि आइसिपी व्यापारका अलावा पर्यटन र सीमा व्यवस्थापनको क्षेत्रमा पनि नयाँ मानक स्थापित गर्ने विश्वास गरिएको छ । 
प्रतिक्रिया दिनुहोस् !