वीरगंज (पर्सा), १९ चैत । वीरगंज महानगरपालिकाको आमसञ्चार प्रवद्र्धन तथा नियमन समितिले पूर्णता पाएको छ । यसअघि नै पत्रकार शत्रुघ्न नेपाल समितिको संयोजकमा नियुक्त भइसकेको छ । बिहीबार थप ११ जना सदस्य मनोनयन भएसँगै समितिले पूर्णता पाएको हो ।
विहीवार आयोजित कार्यक्रमबीच महानगरका मेयर राजेशमान सिंहले नवमनोनित सदस्यहरूलाई मनोनयन पत्र हस्तान्तरण गर्दै समितिको पूर्णताले महानगरको सूचना प्रणाली अझ सुदृढ र व्यवस्थित हुने विश्वास व्यक्त गरे । समितिका मनोनित सदस्यहरूमा मनोज पटेल, क्रान्ति साह, अमित साह, लक्ष्मी खरेल, जितेन्द्र साह, कन्हैया प्रसाद गुप्ता, विरेन्द्र कुमार साह, निरज पिठाकोटे मगर, ग्यासु मियाँ देवान, अर्जुन प्रसाद गुप्ता र छेदी राम रहेका छन् ।
समितिको मुख्य दायित्व महानगरपालिका र सञ्चारमाध्यमबीचको सम्बन्धलाई थप सुदृढ बनाउँदै प्रभावकारी समन्वय कायम गर्नु, सूचना प्रवाहलाई पारदर्शी, सहज र समयमै जनतासम्म पुर्याउनु तथा आमसञ्चार क्षेत्रसँग सम्बन्धित नीति, नियमन र सुधारका विषयमा आवश्यक सुझाव प्रदान गर्नु रहेको छ । 
प्रतिक्रिया दिनुहोस् !