वीरगंज (पर्सा), १६चैत । वीरगंजमा आयोजना हुन गइरहेको ‘वीरगंज प्रिमियर लिग’ (बीपीएल–३) क्रिकेट प्रतियोगिताको ट्रफी सार्वजनिक गरिएको छ । ‘टिम आदर्शनगर’ को व्यवस्थापनमा सञ्चालन हुने उक्त प्रतियोगिताको ट्रफी आइतबार विशेष कार्यक्रमबीच सार्वजनिक गरिएको हो ।
पर्सा क्षेत्र नम्बर–१ का प्रतिनिधिसभा सदस्य हरि पन्तले वीरगंजको माईस्थानस्थित गहवामाई मन्दिर अगाडि आयोजित कार्यक्रममा ट्रफी अनावरण गरेका थिए । सुमित कादमियाको संयोजकत्वमा हुने प्रतियोगिताको मुख्य उद्देश्य स्थानीय स्तरका खेलाडीहरूलाई अवसर र प्रोत्साहन प्रदान गर्नु रहेको जनाइएको छ ।
कार्यक्रमलाई सम्बोधन गर्दै संयोजक कादमियाले बीपीएल–३ ले वीरगंजको खेलकुद क्षेत्रमा नयाँ ऊर्जा र उत्साह ल्याउने विश्वास व्यक्त गरे । प्रतियोगितामा सहभागी हुने विभिन्न टोलीका कप्तानहरूको उपस्थितिमा सम्पन्न कार्यक्रममा युवा खेलप्रेमीहरूको उल्लेख्य सहभागिता देखिएको थियो ।
कार्यक्रममा सुमित चौरसिया, निरज गुप्ता लगायतका युवाहरू सक्रिय रूपमा सहभागी थिए भने कार्यक्रमको सञ्चालन सद्दाम हुसेनले गरेका थिए । 
प्रतिक्रिया दिनुहोस् !