वीरगंज (पर्सा), ४ फागुन । पर्सा क्षेत्र नं. ३ को जगरनाथपुर गाउँपालिका वडा नं. ६ पर्सौनी बहुवरीमा सोमबार एमालेको पार्टी प्रबेश कार्यक्रम सम्पन्न भएको छ । कार्यक्रममा राहुल चतुर्वेदीको नेतृत्वमा ५० जना राष्ट्रिय स्वतन्त्र पार्टी (रास्वपा) परित्याग गरी एमालेमा प्रवेश गरेका छन् ।
कार्यक्रमको अवसरमा एमालेले वडा स्तरमै आफ्नो संगठन थप मजबुत बनाउँदै क्षेत्रीय सम्पर्क कार्यालयको उद्घाटन पनि गरेको छ । कार्यक्रममा एमाले नेता प्रभु हजरा, प्रदेश सभा सदस्य प्रमोद जयसवाल, प्रह्लाद गिरी लगायतका प्रभावशाली नेता तथा कार्यकर्ताहरूको उल्लेखनीय उपस्थिती रहेको थियो ।
वक्ताहरूले एमाले उम्मेदवार रुपेश पाण्डेयलाई क्षेत्र नं. ३ को विकास गर्ने सक्षम र इमानदार उम्मेदवारको रूपमा प्रस्तुत गर्दै जनताको हितमा निरन्तर काम गर्ने प्रतिबद्धता रहेको बताए । उनीहरूले रुपेश पाण्डेयले बोलेको कुरा पूरा गर्ने, जनताको पक्षमा सोच्ने र विकास निर्माणमा निरन्तर लाग्ने सशक्त उम्मेदवारको रूपमा चित्रण गर्दै उनलाई विजयी गराउने दायित्व अब क्षेत्रका जनताकै भएको बताए ।
प्रतिक्रिया दिनुहोस् !