वीरगंज (पर्सा), १० माघ । पर्सा मदिरा व्यवसायी संघको प्रथम वार्षिक साधारण सभा सञ्चालक समितिको निर्णयअनुसार शनिबार सम्पन्न भएको छ । संघका अध्यक्ष चिनिलाल पटेलको अध्यक्षतामा भएको कर्यक्रममा प्रमुख अतिथि वीरगंज उद्योग बाणिज्य संघका अध्यक्ष हरि गौतम बिशिष्ट अतिथि नेपाल बार एकाई पर्साका अध्यक्ष राम नरायण कुर्मी संघका सल्लाहकार कपिलेश्वर यादव, पत्रकार तुलसी भंडारी लगायतले संघको संरक्षण ,सम्बद्र्धन ,बिकास तथा गोलबन्ध भएर सँगाठ्निक रुपमा अगाडि बढ्न शुभकामना दिए ।
सभामा संघका उपाध्यक्ष सन्दीप गुपताले स्वागत मन्तव्य, महासचिव प्रदिप लोहारले संगाठनिक प्रतिबेदन र कोषाध्यक्ष राकेश साह द्वारा आर्थिक वर्ष २०८०/८१ को आय–व्यय विवरण तथा लेखापरीक्षण प्रतिवेदन पेश गरिएको थियो । त्यस्तै, आगामी आर्थिक वर्ष २०८१/८२ का लागि संघको नीति, कार्यक्रम तथा वार्षिक बजेट प्रस्तुत गरी छलफल र अनुमोदन गरिएको संघले जनाएको छ ।
सभामा संघको दर्ता नवीकरण सम्बन्धी निर्णय, नयाँ लेखापरीक्षक नियुक्ति, संघका विभिन्न समितिमा रिक्त पद पूर्ति, आवश्यक परे विधान संशोधन तथा संघको संगठनात्मक सुदृढीकरण सम्बन्धी प्रस्तावहरू पनि पेश गरिएको थियो । यसका साथै मदिरा व्यवसायसँग सम्बन्धित समसामयिक समस्या, कर प्रणाली, प्रशासनिक झन्झट, व्यवसायीहरूको हकहित संरक्षण तथा बजार व्यवस्थापन सम्बन्धी विषयमा समेत विस्तृत छलफल गरिएको थियो ।
सभाको बन्दसत्रबाट नयाँ कार्यसमितिमा अध्यक्ष चिनिलाल पटेल, उपाध्यक्ष संदिप कुमार गुप्ता, महासचिव प्रदिप कुमार लोहार, सचिव रबिन्द्र प्रताप साह, कोषाध्यक्ष राकेश कुमार साह सदस्यमा मनिष प्रसाद कलवार, अनिल कुमार चापागाई, राम कुमार यादव र रन्जित जैसवाल सर्व सम्मत चयन भएका हुन । कार्यक्रममा सबै सदस्य, प्रतिनिधिहरुलाई सदस्यता प्रमाणपत्र बितरण गरिएको थियो ।
प्रतिक्रिया दिनुहोस् !