वीरगंज (पर्सा), १८ असार । नेपाली काँग्रेसका बरिष्ठ नेता डा. शेखर कोइरालाले नेपाली काँग्रेस र एमालेबीच भएको सहमति पुरा गर्न सकिए मुलुक अगाडी बढन सक्ने वताएका छन् । वीरगंजमा आयोजित स्व. गिरजा प्रसाद कोइरालाको शालिक अनावरण कार्यक्रमलाई सम्बोधन गर्दै डा. कोइरालाले सोमबार राति नेपाली काँग्रेसका सभापति शेर बहादुर देउवा र एमालेका अध्यक्ष केपी शर्मा ओलीबीच भएको समझदारी पुरा गर्न सकिए देशलाई गन्तव्यमा पुर्याउन सकिने वताएका हुन् ।
नेपाली काँग्रेस र एमाले एक ठाउँमा भयो भने मुलुकलाई सही गन्तव्यमा पुर्याउन सकिने आफूले विगत ७/८ महिनादेखि भन्दै आएको र वकालत पनि गर्दै आएकोमा हाल दुबै दललाई एकठाउँमा ल्याउने एजेण्डा सफल भएको उनको भनाई छ । पहिला नै हुनुपर्ने कुरा अहिले आएर भएको छ, जुन सहमति पुरा भयो भने मुलुक सही गन्तव्यमा अगाडि बढ्ने नेता कोइरालाको दाबी छ । नेता कोइरालाले मुलुकलाई अहिले चाहिएको आवश्यकता अनुसार नै कांग्रेस सभापति र एमाले अध्यक्षबीच संविधान संशोधन गर्ने, सरकारको नेतृत्व आलोपालो गर्ने लगायतका समझदारी पत्रमा हस्ताक्षर भएको बताए ।
उलने हालको निर्वाचन प्रणालीलाई हामीले नै खराब बनाइदिएको वताउँदै संसदीय व्यवस्था अनुसारको यो निर्वाचन प्रणाली नै परिवर्त गर्नुपर्ने उनको धारणा थियो । संघीय गणतान्त्रिक लोकतन्त्रतात्मक व्यवस्था ल्याउनमा स्व. गिरजा प्रसाद कोइरालाको अविष्मरणीय भूमिका रहेको स्मरण गराउँदै नेता कोइरालाले हाल स्व. गिरजाको बलिदानबाट प्राप्त गणतन्त्रात्मक लोकतन्त्र साना दलहरुको कारण खतरामा पर्न सक्ने उनको कथन थियो ।
कार्यक्रममा पार्टीको सन्दर्भमा बोल्दै नेता कोइरालाले सहमति, सहकार्य र एकताबाट अगाडी बढनु पर्ने वताए । उनले गठबन्धनबाट पार्टीको भलो कहिले नहुने वताउँदै लथालिङ अवस्थामा रहेको पार्टीलाई सुदृढ गर्दै पार्टीका सबै जिम्मेवार पदाधिकारीहरु सहमति, सहकार्य र एकताकासाथ अगाडी बढनु पर्नेबताए । अब बन्ने सरकारले सुशासन, भ्रष्टाचार एवं राहतका कुरा गम्भिरताका साथ लिने उनको भनाई छ ।
नेपाली काँग्रेस पार्टीमा धेरै लथालिङ्ग अवस्था रहेको गुनासो छ, त्यसलाई सच्याउँदै अगाडि बढ्ने प्रतिबद्धता समेत जनाए । हामीले एकता गर्न सक्यौं भने कुनैपनि शक्तिले हराउन सक्दैन भन्दै नेता कोइरालाले नेपाली काँग्रेसका सबैजना एक ठाउँमा उभिन जरुरी रहेको बताए । महाधिवेशमा तित्यता हुन्छ, त्यो स्वभाविक हो, त्यसलाई अन्यथा भन्न मिल्दैन, तर निर्वाचनको बेला अन्य पार्टीलाई समर्थन गरेर निर्वाचन लड्नेलाई कदापी स्वीकार्य नगरिने उनको भनाई थियो ।
नेपाली कांग्रेस पर्सा क्षेत्र नं. २ का सभापति मोहम्मद साहबुद्दिनको अध्यक्षतामा आयोजित कार्यक्रममा नेपाली कांग्रेसका सह महामन्त्री बद्री पाण्डे, केन्द्रिय सदस्य एवम् प्रतिनिधि सभा सदस्य रमेश रिजाल, अजय चौरसिया, नेता सुरेन्द्र चौधरी, पर्सा जिल्ला सभापति एंव प्रदेश सभा सदस्य जनाद्र्धन सिंह क्षेत्री, प्रदेश सभा सदस्य श्याम पटेल लगायतले मन्तव्य व्यक्त गरेका थिए ।
प्रतिक्रिया दिनुहोस् !