वीरगंज (पर्सा), २८ पुस । जनमत पार्टी पर्साका इन्चार्ज एवं पार्टी प्रवेश राष्ट्रिय संयोजक माधव सिंहले अहिले पर्साको स्थानीय तहमा आतँक मच्चाएका छन् । सप्तरी जिल्ला कोइलाडी गाउँपालिका वडा नंं. ६ घर भई वीरगंज बस्दै आएका सिंह पर्साको स्थानीय निकायमा हामिक सरुवाको नाममा आतँक मच्चाउँदै आएका हुन् ।
२०८० साउन २९ गते जनमत पार्टीबाट अनिता साहले संघीय मामिला तथा सामान्य प्रशासन मन्त्रालयको जिम्मेवारी पाए लगत्तै पार्टीका जिल्ला इन्चार्जहरुले तराईका अधिकाँश जिल्लामा प्रमुख प्रशासकीय अधिकृत फेरबदलको लागि पैसा असुल्न थालेका छन् । त्यही क्रममा पर्साका इन्चार्जको जिम्मेवारी पाएका सिंहले पर्साको पालिकाहरुमा अधिकृत फेरबदल गराउन, भएकै ठाउँमा टिकाउन एवं आफ्नो अनुकुल अधिकृत सरुवा गराएर ल्याउनका लागि लाखौं रकम असुल्दै आएका छन् ।
यहाँसम्म कि निमित्त प्रमुख प्रशासकीय अधिकृतमा टिकाउन एडभान्समा चेक पनि लिएको चर्चा छ । पर्साको पोखरिया नगरपालिकामा अजय श्रीवास्वतलाई निमित्त प्रमुख प्रशासकीय अधिकृतमा टिकाउनका लागि एडभान्समा चेक नै लिएको चर्चा छ । यति मात्रै होइन, यो त उदाहारण मात्रै हो । केही दिन अघि मात्रै बारा जिल्लाको बारागढी गाउँपालिकाका प्रमुख प्रशासकीय अधिकृत सुनिल केसरीको अन्यत्र सरुवा भएको थियो, त्यस पश्चात सिंहले एक लाख रुपैयाँ बुझेपछि पुनः फिर्ता बोलाइदिए । अधिकृत फेरबदल उनको बायाँ हातको कुरा छ । 
इन्चार्ज सिंहले आफ्नो पार्टीको मन्त्री भएकोले पर्सा मात्रै होइन, बाराका केही जिल्लाका हाकिमहरुलाई सरुवा गराएका छन् । पार्टीलाई पैसा नबुझाएकै कारण उनले पर्साका अधिकाँश पालिकाका अधिकृतहरुलाई सरुवा गराई सकेका छन् । र पैसा बुझाउने अधिकृतहरुलाई सरुवा गराएका ल्याएका छन् । उनीबाट प्रमुख प्रशासकीय अधिकृतहरु त्रासको माहोल नै छाएको छ ।
पालिकामा पहिलादेखि नै कार्यरत रहेका प्रमुख प्रशासकीय अधिकृतहरुले पार्टीको फण्डको नामले पैसा नबुझाए प्रदेशको मन्त्रालय तथा अन्य निकायमा सरुवा गराईदिने र पैसा बुझाउने अधिकृतलाई पालिकामा सरुवा गराईदिने काम गर्दै आएका छन् । अनिता साह मन्त्री भएको ५ महिनाको अन्तरालमा सिंहले पैसा नदिने पर्साका एक दर्जन बढि प्रमुख प्रशासकीय अधिकृतहरुलाई फेरबदल गराई सकेका छन् । उनी यस कार्यमा माहिर मानिएका छन् ।
कुनैपनि अधिकृतलाई पालिकामा बस्नुछ भने जनमत पार्टीको फण्डको नाममा पैसा बुझाउनुपर्ने हुन्छ, नत्र सीमित समयमा बुझाउने प्रतिबद्धता दिए मात्रै पालिकामा सरुवा हुने गरेको छ, नदिए पुनः सरुवा फिर्ता गराउने गरेका छन् । अहिले पर्सा जिल्लाका अधिकाँश अधिकृतहरु एवं सरकारी कार्यालयहरुमा उनकै चर्चा छ । जनमत पार्टीका राष्ट्रिय अध्यक्ष सिके राउतले भ्रष्टाचार विरोध अभियानको नौटंकी गरि रहेका छन् र उनका कार्यकर्ताहरु पार्टीको मन्त्रीको आडमा लुटतन्त्र नै मच्चाएका छन् । 
प्रतिक्रिया दिनुहोस् !