• मुस्कान श्रेष्ठ
वीरगंज (पर्सा), २० असोज । वीरगञ्जस्थित प्रभु हस्पिटलले आफ्नो ४ औँ स्थापना दिवसको अवसरमा रक्तदान कार्यक्रम सम्पन्न भएको छ । जिल्ला प्रशासन कार्यालय पर्साका प्रमुख जिल्ला अधिकारी हिरालाल रेग्मीको उपस्थितिमा भएका कार्यक्रममा ५ सशस्त्र प्रहरीसहित वीरगञ्ज करागारमा रहेका १ सय ६३ जना पुरुष केदीबन्दीहरुले रक्तदान गरेका छन् ।
डेङ्गी रोगका कारण रगतको अभावलाई परिपुर्ति गर्ने उदेश्यले रक्तदान कार्यक्रमको आयोजना गरिएको प्रभु हस्पिटलकी संचालक डा. लक्ष्मी थापाले जानकारी दिनुभयो । कार्यक्रममा पन्नालाल दास, आन्नद दास थारु, मनोज विक, अशोक लोहार, सुजन पोखरेललगायतले रक्तदान गरेका थिए । कार्यक्रममा जेलर फणीन्द्र अधिकारी, पर्साका प्रहरी नायब उपरीक्षक कुमार बिक्रम थापा, प्रभु हस्पिटलका संचालक मनोज गुप्ता, सामाजिक अभियन्ता दिलिप राज कार्की लगायतको सहभागिता रहेको थियो । कार्यक्रममा प्राविधिक सहयोग रक्तसंचार केन्द्र बिरगंजका प्रमुख सौरभ राज पान्डले गर्नुभएको थियो ।
यसैगरी प्रभु हस्पिटलले आफ्नो ४ औँ स्थापना दिवसको अवसरमा निःशूल्क स्वास्थ्य शिविर कार्यक्रम सम्पन्न गरेको छ । शनिबार वीरगञ्ज कारगारमा रहेका ६६ जना महिला कैदीबन्दीहरुको स्वास्थ्य परिक्षण गरेका गरिएको थियो । पर्साका प्रमुख जिल्ला अधिकारी हिरालाल रेग्मीको उपस्थितिमा भएको शिविरमा डा. लक्ष्मी थापा नेतृत्वको चिकित्सकको टोलीले महिला कैदीबन्दीहरुको स्वास्थ्य परिक्षण गरि भिटामिन, आइरन लगायतको निःशूल्क औषधी वितरण गरिएको कार्यकमको संयोजक दिलिप राज कार्कीले बताउनुभयो । 
प्रतिक्रिया दिनुहोस् !