वीरगंज (पर्सा), २ कात्तिक / पर्साको निर्वाचन क्षेत्र ३ को २ का प्रदेशसभा सदस्यका उम्मेदवार प्रहलाद गिरीको समर्थनमा पोखरिया युवा समाजले मोटर साइकल र्याली निकालेको छ ।
निवर्तमान प्रदेशसभा सदस्य समेत रहेका गिरी विकासवादी तथा युवा प्रेमी नेता भएको भन्दै युवा समाजका पदाधिकारीहरु सहितको टोलीले समर्थनमा मोटरसाईकल ¥याली निकालेको हो । नेकपा (एकीकृत समाजवादी) का उम्मेदवार गिरीलाई जिताउन युवाहरु स्वस्फूर्त रुपमा र्याली निकालेकाे युवा समाजका सुजित गिरीले वताए ।
पोखरिया युवा समाजका अध्यक्ष भगवान दास तत्वाको नेतृत्वमा जम्मा भएका युवाहरुको समूहले प्रदेशसभा सदस्यका उम्मेदवार गिरीलाई जिताउन अपिल गर्दै मोटर साइकल ¥याली निकालेको युवा समाज पोखरियाले जनाएको छ । २ सय भन्दा बढी बाइकमा सवार युवाहरुले क्षेत्रको बिभिन्न गाउँ र टाेलकाे प्ररिक्रमा गरेका थिए ।
पोखरियाबाट शुरु भएको ¥याली सतवरिया, पकहामैनपुर, प्रसौनी, गर्दाैल, हसवा, मधुवनी, मानिपुर हुँदै पुनः पोखरिया पुगेको थियो । ¥यालीमा राकेश महतो, मनु गिरी, मुम्ताज आलम, सन्तोष चौहान लगायतका युवाहरुले सहभागीता रहेको थियो ।
प्रतिक्रिया दिनुहोस् !