चालु पूँजी कर्जा मार्गदर्शन २०७९ प्रति उद्योगी व्यवसायीहरुको आपत्ति

• मुस्कान श्रेष्ठ
वीरगंज (पर्सा), ६ असोज / नेपाल राष्ट्र बैंकले कात्तिक १ गतेदेखि लागु हुने गरि जारी गरेको चालु पूँजी कर्जा मार्गदर्शन २०७९ को प्रावधानप्रति मधेश प्रदेशका उद्योगी व्यवसायीहरुले आपत्ति जनाएका छन् । नेपाल उद्योग वाणिज्य महासंघ मधेश प्रदेशद्वारा वीरगंजमा आयोजित अन्तरक्रिया कार्यक्रममा बोल्दै उद्योगी व्यवसायीहरुले चालु पूँजी कर्जा मार्गदर्शन २०७९ को प्रावधानप्रति आपत्ति जनाएका हुन् । कोरोना संक्रमणको महामारी पश्चात विस्तारै लयमा फर्कदै गरेका उद्योगहरुलाई राष्ट्र बैंकको नीतिले पुनः उद्योग व्यापार धरायसी हुने उनीहरुको भनाई छ ।
कोरोना संक्रमणले थलो परेको उद्योग व्यवसायहरु बिस्तारै लयमा फर्किदै गर्दा राष्ट्र बैंकको नितिले फेरी धरासायी हुने अवस्थामा आई पुगेको व्यवासयीहरुले गुनासो गरेका छन् । राष्ट्र बैंकले निजी क्षेत्रलाई सहज हुने गरि निति ल्याउनुपर्नेमा झन त्रास सृजना भएको अन्तरक्रिया कार्यक्रममा सहभागी उद्योगी व्यवसायीहरुको भनाई छ । व्यवासयको प्रकृति अनुसार फरक चालू पूँजी रकम आवश्यक पर्ने हुँदा २ करोड रुपैयाँ भन्दा बढी चालू पूँजी कर्जाको सिमा निर्धारण गर्दा हरेक थरिका व्यवसायको लागि २५ प्रतिशत मात्र गरिनु अव्यवहारिक भएको हुँदा सरोकावाला व्यवसायको कूल व्यापार, बजारमा बाँकी बप्यौता र मौज्दातलाई आधार मानेर अधिकतम् ५० प्रतशतको प्रावधान राख्नुपर्ने उद्योगी व्यवसायीहरुको माग छ ।
उनीहरुले बैंकले निजी क्षेत्रसँग संधै सौतेनी व्यवहार गर्दै आएको आरोप लगाउँदै बैंकहरुको बारम्बारको तनावले व्यवसायीहरुले आत्महत्या गर्नुपर्ने अवस्था सृजना भएको भन्दै चिन्ता व्यक्त गरे । सरकारले विदेश लगानी भित्र्याउने तर्फ मात्र केन्द्रित रहेको तर स्वदेशी लगानीलाई वेवास्ता गर्दै आएको भन्दै उद्योगी व्यवसायीहरुले राष्ट्र बैंकले जारी गरेको नीति नसच्याए आफूहरु चुनाव अघि कडा आन्दोलनमा जाने चेतावनी समेत दिए । कार्यक्रममा मधेश प्रदेश अन्तर्गत पर्ने वीरगंज, जितपुर सिमरा, बारा, रौतहट, लालबन्दी, बर्दिवास, मलंगवा, गौशाला, जनकपुर, जलेश्वर, महोत्तरी, गोलबजार, रामनगरमिर्चैया, सिरहा, लहान, सलार्ही लगायत मधेश प्रदेशका १६ वटा उद्योग वाणिज्य संघ लगायत मकवानपुर उद्योग वाणिज्य संघ र सो क्षोत्रमा आबद्ध विभिन्न संगठनहरुको सहभागिता रहेको थियो ।
राष्ट्र बैंकले जारी गरेको चालु पूँजी कर्जा मार्गदर्शन २०७९ को प्रावधानप्रति विरोध जनाउँदै मधेश प्रदेशका उद्योगी व्यवसायीहरुले विरोध ¥याली समेत निकालेका छन् । विरोध ¥यालीमा व्यवसायीहरुले कालो पट्टी बाध्नुका साथै ‘चालु पूँजी कर्जा सिमा बढाउ’, ‘एप्लाई क्रेडिट एक्ट’, ‘बैंकको सेवा शुल्क घटाउ’, ‘गरि खान देउ’ लगायतका नारायुक्त प्ले कार्डबोकी नगर परिक्रमा गरेका थिए । ¥याली पश्चात नेपाल उद्योग वाणिज्य संघ मधेश प्रदेशका अधयक्ष गणेश लाठको अगुवाईमा नेपाल राष्ट्र बैंकका शाखा प्रबन्धक राजनदेव भट्टराई माफर्त राष्ट्र बैंकका गभर्नरलाई १५ बुंदे ज्ञापन पत्र समेत बुझाएको थियो ।