• मुस्कान श्रेष्ठ
वीरगंज (पर्सा), ६ असोज / वन तथा वातावरण मन्त्री प्रदिप यादवले वीरगंजमा निर्माण हुने चिडियाखाना मधेश प्रदेशको मात्र नभई देशकै नमुना चिडियाखानाको रुपमा रहने दावी गर्नुभएको छ । वीरगंज महानगरपालिका वडा नम्बर ३२ रामवनमा निर्माण हुने पर्सा प्रणाी उद्यान (चिडियाखानाको) शिलान्यास गर्दै सो कुरा गर्नुभएको हो । उहाँले पर्सा जिल्ला पर्यटकिय स्थलको अभाव रहेको हुदाँ अब वीरगंजमा निर्माण हुने चिडियाखानाले आन्तरिक तथा बाह्य पर्यटकहरुलाई भित्रायउनुका साथै पर्यटन प्रबद्धनमा टेवा पुग्ने विश्वास व्यक्त गर्नुभयो ।
चिडियाखाना निर्माण भएपश्चात बारा, रौतहट लगायत विभिन्न जिल्ला तथा भारतिय पर्यटकहरुलाई केही दिन वीरगंजमा बस्ने वातावरण सृजना हुने र यसले पर्साको होटल व्यवासयीहरुले पनि लाभ लिन सक्ने मन्त्री यादवको भनाई छ । मन्त्री यादवले काठमाण्डौँ जस्तै पर्सामा पनि चिडियाखाना बनाउने आफ्नो वर्षौ देखिको सपना साकार पारी शिलान्यास गर्ने अवसर पाएकोमा खुशी व्यक्त गर्नुभयो । उहाँले आफू मन्त्री भएलगतै विज्ञ टोली गठन गरी अध्यन्न एवम सर्वेक्षण गरी प्रतिवेदन तयार पारेको र अर्थमन्त्रालयले १० करोडको सहमति दिईसकेको बताउनुभयो । उहाँले चिडियाखाना निर्माणले यस क्षेत्रका नागरिकको आयस्तर वृद्धि हने बताउनुभयो ।
शिलान्यास कार्यक्रममा राष्ट्रिय निकुञ्ज तथा वन्यजन्तु संरक्षण विभागका महानिर्देशक डा. महेश्वर ढकाल, मधेश प्रदेशका प्रदेश सभा सदस्यत्रय जन्नत अन्सारी, करिमा बेगम, भिमा यादव, जितपुर सिमरा उपमहानगरपालिका प्रमुख राजन केसी, पर्सागढी नगरपालिकाका प्रमुख गोकर्ण बिष्ट, बारा, पर्साका प्रमुख जिल्ला अधिकारीलगायतको उपस्थिति रहेको थियो ।
उक्त चिडीयाखाना १ अर्ब १ करोड ७ लाख रुपैयामा निर्माण हुन लागेको हो । उक्त चिडियाखाना १ अर्ब १ करोड ७ लाख रुपैयामा निर्माण हुन लागेको हो ।
प्रतिक्रिया दिनुहोस् !