• मुस्कान श्रेष्ठ
वीरगंज (पर्सा), ३ असोज / जनता समाजवादी पार्टी पर्साले आज वीरगंजमा शहिदहरुको शालिकमा माल्यार्पण गरी सातौ संविधान दिवस मनाएको छ ।
दिवसको अवसरमा जसपाले वीरगंजको घण्टाघरस्थित शहिद स्मारकमा मधेश आन्दोलनमा शहादत प्राप्त गरेका शहिदहरुको शालिकमा माल्यापर्ण गरी एक मिनट मौन धारण गरिएको थियो ।
माल्यापर्णपछि आयोजित कार्यक्रमलाई सम्बोधन गर्दै जसपा पर्साका नेता सुरेन्द्र कुर्मीले मुलुकमा मधेशवादी दलहरुलाई संविधानको विरोध गर्ने र सर्मथन पनि गर्ने रुपमा लिने गरेकोे बताउनुभयो । उहाँले आफूहरु संविधान विरोधी नभई त्यस भित्र रहेका केही प्रावधानप्रति असन्तुष्ट रहेको भन्दै संसोधन गरेर लानुपर्ने बताउनुभयो ।
जनता समाजवादी पार्टी पर्साका जिल्ला सचिव तबरेज अहमदको अध्यक्षतामा भएको कार्यक्रममा केन्द्रिय सदस्य फिरोज मंसुर, प्रदेश उपाध्यक्ष बृज मोहन तिवारी,नगर अध्यक्ष ईश्वर यादव, एजाज बाबु राकी लगायत नेताहरुको उपस्थिति रहेको थियो ।
कार्यक्रमको सहजिकरण युवा नेता मुकेश द्ववेदीले गर्नुभयो ।
प्रतिक्रिया दिनुहोस् !