जसपाबाट प्रतिनिधि सभामा डा. गुप्ताको नाम सिफारिस

वीरगंज (पर्सा), १८ भदौ / जनता समाजबादी पार्टी (जसपा) पर्साले प्रतिनिधि सभा सदस्य उम्मेदवारको लागि डा.मधु गुप्ताको एकल नाम सर्वसमतिबाट सिफारिस गरेको छ ।
जसपा पर्सा क्षेत्र नम्बर ३ को क्षेत्रीय बैठकले पर्सा क्षेत्र नम्बर ३ बाट डा.गुप्ताको एकल नाम सिफारिस गरेको क्षेत्रीय अध्यक्ष नागेन्द्र प्रसाद यादवले जानकारी दिएका छन् । अध्यक्ष यादवद्वारा हस्ताक्षर गरि जारी गरिएको विज्ञप्तिमा डा.गुप्ताको राजनीतिकमा प्रत्यक्ष भूमिका नदेखिए पनि उहाँ मुलुकको हरेक बिषय बस्तुमा चासो चिन्ता र जिज्ञासा समय समयमा राखी रहेकोले उनको नाम सिफारिस गरिएको उल्लेख गरिएको छ ।
पर्सा जिल्लाको हकमा बिकास निर्माणका काम देखि शिक्षा, स्वास्थ्य र रोजगारीको लागि बिभिन्न समयमा चिन्ता व्यक्त गर्दै आएको विज्ञप्तिमा उल्लेख गरिएको छ ।