वडा प्रहरी कार्यालय वीर्ताद्वारा फरार प्रतिवादी पक्राउ

वीरगंज (पर्सा), २० साउन / वडा प्रहरी कार्यालय वीर्ताले विभिन्न तीन शिर्षकका मुद्दाका फरार प्रतिवादीलाई पक्राउ गरेको छ । पर्साको विन्दवासिनी गाउँपालिका वडा नं. २ घर भई हाल वीरगंज महानगरपालिकाको वडा नं. –३ निवासी ५५ बर्षिय रहमत हुसेनलाई पक्राउ गरिएको वडा प्रहरी कार्यालय विर्ताका प्रहरी निरिक्षक बिशाल मल्लले वताए ।
पर्सा जिल्ला अदालतको मिति २०७५÷११÷०९ को चेक अनादर मुद्दाको फैसला अनुसार रु. २ हजार जरीवाना, २०७७÷०८÷१५ गतेको विगो भराउ मुद्दाको फैसला अनुसार १ वर्ष कैद र २०७८÷०९÷२१ गतेको चेक अनादर मुद्दाको फैसला अनुसार रु. ३ हजार जरीवाना तोकिएको उनी फरार थिए ।
वडा प्रहरी कार्यालय विर्ताबाट खटिएको फैसला कार्यान्वयन टोलीले शुक्रबार वीरगंज महानगरपालिकाको वडा नं.–३ छपकैयाबाट पक्राउ गरी अदालतमा दाखिला गरेकोमा आजै कैद भुक्तानको लागी कारागार चलान भएको प्रहरी निरिक्षक मल्लले जानकारी दिए ।