वीरगंज (पर्सा), १४ साउन / जिल्ला प्रहरी कार्यालय पर्साले शनिबार वीरगंजबाट अपहरण तथा कर्तव्य ज्यान मुद्दाका दुई जना फरार प्रतिवादीलाई पक्राउ गरेको छ । रौतहटको इस्नाथ नगरपालिका वडा नं. ४ निवासी ४३ बर्षिय राम मङ्गया महतो र सोही ठाउँ निवासी निजकी श्रीमती ३० बर्षिय संगिता देवीलाई पक्राउ गरिएको जिल्ला प्रहरी कार्यालय पर्साका प्रवक्ता प्रहरी नायब निरिक्षक प्रल्हाद कार्कीले जानकारी दिए ।
अपहरण तथा कर्तव्य ज्यान मुद्दाका फरार दुबै जनालाई वीरगज महानगरपालिकाको वडा नं. ११ श्रीपुरबाट शनिबार दिउसो २ बजे पक्राउ गरिएको प्रवक्ता कार्कीले वताए । जिल्ला प्रहरी कार्यालय पर्साको क्राइम शाखाले दुबै जनालाई नियन्त्रण लिएको हो ।
प्रतिक्रिया दिनुहोस् !