वीरगंज (पर्सा), १३ साउन / रोट्रयाक्ट क्लब अफ वीरगंज मेट्रोपोलिसले पुर्व अध्यक्ष सलोनी रौनियारको जन्मदिनको अवसरमा “जन्मदिनको लागि रूखहरू” नामक कार्यक्रमको आयोजना गरेको छ । सामाजिक र ब्यक्तित्व बिकाश कार्यमा क्रियाशिल रोट्रयाक्ट क्लब अफ वीरगंज मेट्रोपोलिसले पृथ्वीलाई हावा शुद्ध गर्न र वायुमण्डलबाट कार्बन अवशोषित गर्न, माटोलाई स्थिर बनाउन, पानीको संरक्षण गर्ने उदेश्यले उक्त कार्यक्रमको आयोजना गरिएको हो ।
रोट्रयाक्ट क्लबले पछिल्लो समय नयाँ संस्कारको बिकाश गर्दै आएको छ र जन्मदिनको अवसरमा रोट्रयाक्ट क्लब अफ वीरगन्ज मेट्रोपोलिसका युवाहरूले आफुले सकेसम्म सामाजसेवा जस्ता क्रियाकलापहरु गर्न र गराउन जोड दिदै आएका छन् भने कल्वका अध्यक्ष रबिन श्रेष्ठले जानकारी दिए । रोट्रयाक्ट कल्वका पुर्व अध्यक्ष सलोनी रौनियारको समन्वयमा कार्यक्रम सम्पन्न गरिएको थियो र उक्त कायक्रममा पुर्व अध्यक्ष प्रकाश कर्णले बृक्षारोपण गरेसगैं युवाहरुमा जन्मदिनको उत्सवको नौलो बिकास भएको जानकारी दिए ।
कार्यक्रमको सहजीकरण कल्बका प्रशासनिक निर्देशक रोट्रयाक्ट रिचा सर्राफले गरेका थिए । कार्यक्रममा क्लबका निखिल गप्ता, अञ्जली गर्ग, रेसु अग्रवाल, स्वेता साह, बिना प्रजापति, आलोक ठाकुर र निकिता उपाध्याए लगायतको सहभागिता रहेको क्लवका सहसचिव रामबिनय यादबले जानकारी दिए ।
प्रतिक्रिया दिनुहोस् !