४ बर्षिया बालिकाको बलात्कार पछि हत्या, तीनजना पक्राउ

• मुस्कान श्रेष्ठ
वीरगंज (पर्सा), ९ साउन / वीरगंजमा ४ वर्षीय बालिकाको बलात्कार गरि हत्या गरेको आरोपमा पर्सा प्रहरीले ३ जनालाई नियन्त्रणमा लिएको छ । पक्राउ पर्नेमा वीरगंज महानगरपालिका वडा नम्बर २ का १९ वर्षीय जफ्रुदीन भन्ने सलमान खान, वडा नम्बर १६ का १८ वर्षीय सलमान खान र १२ वर्षीय बालक रहेका छन् । प्रहरीका अनुसार उक्त घटनामा संलग्न एक आरोपित व्यक्ति फरार रहेको छ ।
गत श्रावण ६ गते जिल्ला प्रहरी कार्यालय पर्सामा बालिका हराएको उनको हजुरबुवाले उजुरी दिएका थिए । उक्त उजुरीको आधारमा खोजी कार्य गर्दै जाँदा वीरगञ्ज महानगरपालिका वडा नं.२ छपकैया स्थित खाली जग्गाको झाडीमा उक्त हराइरहेकी ४ वर्षीया वालिकाको मृत शव फेला परेको थियो । जिल्ला प्रहरी कार्यलय पर्साका प्रहरी उपरिक्षक रमेश बस्नेतका अनुसार अनुसन्धानको क्रममा बालिका हत्यामा १२ वर्षीय वालकको संलग्नता रहेको खुल्न आएको थियो । बालकलाई सोधपुछ गर्ने क्रममा अन्य ३ जनाको समेत संलग्नता रहेको बताईएको थियो ।
उक्त हराएकी वालिकालाई सामूहीक जबरजस्ती करणी पश्चात कर्तव्य गरी मारेको थप अनुसन्धानमा खुल्न आएको प्रहरी उपरिक्षक बस्नेतले बताउनुभयो । मृतक वालिकाको शव पोष्टमार्टम पश्चात अन्त्येष्टीका लागि परिवारको जिम्मा लगाइएको र पक्राउ परेको आरोपितहरू विरुद्द जबरजस्ती करणी तथा ज्यान सम्बन्धी कसूरमा सम्मानित पर्सा जिल्ला अदालतबाट ५ दिनको म्याद लिई अनुसन्धान भैरहेको प्रहरी उपरीक्षक बस्नेतले बताउनुभयो ।
फरार रहेको १ जना अभियुक्तको पहिचान भैसकेको र उनको खोज तलास भैरहेको प्रहरीले जनाएको छ ।