• मुस्कान श्रेष्ठ
वीरगन्ज (पर्सा), ४ साउन / पर्सा प्रहरीले ४१ लाख ५५ हजार रकम सहित हुण्डी कारोबार गर्ने १ जान भारतिय नागरिकलाई पक्राउ गरेको छ । पक्राउ पर्नेमा भारतको बिहार जिल्ला स्थित पूर्वी चमपारण थाना रक्सौल वडा नम्बर ११ निवासी राकेश कुमार रहेका छन् । प्रदेश प्रहरी कार्यालय जनकपुर तथा जिल्ला प्रहरी कार्यालय पर्साबाट खटिएको संयुक्त टोलीले उनलाई पक्राउ गरेको हो ।
जिल्ला प्रहरी कार्यलय पर्सा प्रहरी उपरिक्षक रमेश कुमार बस्नेतका अनुसार एक विशेष सूचनाको आधारमा वीरगंज महानगरपालिका वडा नं.१६ रजतजयन्ती चोक स्थित सडकखण्डमा भारतको रक्सौलबाट वीरगञ्जतर्फ बीआर ०५ एन ०२३८ नम्बरको मोटरसाईकललाई जाँच गर्दा उक्त मोटरसर्याकलको सिटमुनी तथा ट्याङ्कीमा लुकाई छिपाई राखेको श्रोत नखुलेको नेपाली ४१ लाख ५५ हजार रुपैया फेला पारेको हो ।
प्रहरी उपरिक्षक बस्नेतले मोटरसाईकल सहित पक्राउ परेका राकेश कुमारलाई नियन्त्रणमा लिई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको बताउनुभयो ।
प्रतिक्रिया दिनुहोस् !