शिक्षालाई विशेष प्राथमिकतामा राख्दै जगरनाथपुरको ७ औं गाउँसभा सम्पन्न

वीरगन्ज (पर्सा), ११ असार / पर्साको जगरनाथपुर गाउँपालिकाको ७ औं गाउँ सभा शुक्रबार सम्पन्न भएको छ । गाउँपालिका अध्यक्ष श्रीकान्त प्रसाद यादवको अध्यक्षमा सम्पन्न गाउँ सभाले अगामी आर्थिक बर्ष २०७९/०८० को ४९ करोड ३२ लाख बराबरको नीति, कार्यक्रम तथा बजेट प्रस्तुत गरिएको छ ।
जसमा शिक्षा तर्फ ११ करोड २४ लाख, स्वास्थ्य तर्फ २ करोड २८ लाख, कृषि तर्फ १ करोड २६ लाख, समाजिक विकास तर्फ दुई करोड ४१ लाख, पूर्वधार विकास तर्फ १५ करोड २३ लाख, समाजिक सूरक्षा तर्फ ८ करोड र चालु तर्फ ९ करोड बजेट विनियोजन गरिएको गाउँपालिकाकी उपाध्यक्ष बबिता सिंहले जानकारी गराइन ।
गाउँपालिका अध्यक्ष यादवले अगामी आर्थिक बर्षको नीती तथा कार्यक्रम प्रस्तुत गर्दै विद्यालयहरुमा विद्यार्थीहरुलाई ल्याउ, टिकाउ र सिकाउ अभियान संचालन गरिने वताए । साथै उनले विद्यालयलाई आपंगता तथा बालमैतृ बनाइने वताए । उनले भने ‘कक्षा १० का विद्यार्थीहरुको लागि अतिरिक्त कक्षा संचालन गरिने छ । एसईईमा उत्कृष्ट अंक ल्याएर उतिर्ण हुने छात्र÷छात्राहरुलाई प्रोत्साहनसहित छात्रवृति प्रदान गरिने छ ।’ अध्यक्ष यादवले गाउँपालिकाबाट प्रवाह हुने सेवा मुस्कानसहित प्रदान गरिने वताए । उनले सासु, ससुरालाई राम्रोसंग स्याहार सुसार गर्ने बुहारीलाई सम्मान गरिने समेत वताए । उनले बिजबनिया र औंराहमा बर्थिङ सेन्टर संचालन गरिने, प्रत्येक वडाको स्वास्थ्य चौकीमा एमबिबिएस डाक्टरको व्यवस्था गरिने र गाउँपालिकामा १५ बेडको अस्पताल संचालनको लागि संघ र प्रदेश सरकारसंग पहलन गरिने वताए ।
उनले जगरनाथपुुर गाउँपालिकालाई समृद्ध र सुखी बनाउने दिर्घकालीन उद्देश्य अनुरुप आर्थिक सामाजिकविकासको मौलिक ढाँचामा गाउँपालिका अगाडि बढि रहेको वताए । गाउँ कार्यपालिकाको कार्यालय जगरनाथपुरमा भएको गाउँ सभाको नेपाली कांग्रेस पर्साका सभापति जनार्दन सिंह क्षेत्रीले उद्घाट गरेका थिए । गाउँ सभामा नेपाली कांग्रेस पर्साका उप सभापति रानारायण कुर्मी, प्रवक्ता रमेश पाण्डे, कोषाध्यक्ष प्रेम थापा, क्षेत्रिय सचिव बलिष्टर अहमद, प्रमुख प्रशासकीय अधिकृत कृष्णनन्दन राय लगायत वडाध्यक्षहरुको उपस्थिति रहेको थियो ।