वीरगंजमा बेवारिसे अवस्थामा शव फेला

• मुस्कान श्रेष्ठ
वीरगन्ज (पर्सा), ९ असार / वीरगञ्जमा बेवारिसे अवस्थामा एक व्यक्तिको शव फेला परेको छ । वीरगंज महानगरपालिका वडा नम्बर १६ स्थित माईधिया पोखरी नजिकै अन्दाजी ५४÷५५ वर्ष उमेरका व्यक्तिको शव फेला परेको हो ।
बुधबार साँझ ५ बजे स्थानीय बासीले एक व्यक्तिको शव फेला परेको जानकारी दिए पश्चात वडा प्रहरी कार्यालय श्रीपुरको टोली घटनास्थल पुगेको थियो । घटनास्थलमा शव बरामद भएको र पोष्टमार्टमका लागि नारायणी अस्पताल वीरगञ्जमा पठाईएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले जानकारी दिए ।
घटनाबारे थप अनुसन्धान भइरहेको प्रहरीले जनाएको छ ।