• मुस्कान श्रेष्ठ
वीरगन्ज (पर्सा), ५ असार / अमेरिकाद्वारा प्रस्तावित एसपीपी सम्बन्धी विषयलाई लिएर सदनदेखि सडक तातिरहेको बेला नेपाली कांग्रेसका प्रवक्ता प्रकाशसरण महतले स्टेट पार्टनरसिप प्रोगाम एमालेका अध्यक्ष केपी शर्मा ओली नेतृत्वको सरकारको पालामा अनुमोदन भएको बताएका छन् ।
वीरगंजमा आयोजित पत्रकार सम्मेलनलाई सम्बोधन गर्दै प्रवक्ता महतले यसतो बताएका हुन् । महतले राष्ट्रियताको जति ठुलो कुरा गरेपनि एसपीपी ओलीकै पालामा अनुमोदन भएको बताए । तर पछिल्लो समय पालिका चुनावमा हार व्यवर्होेदै दोश्रो स्थानमा झरेपछि एमालेले राष्ट्रियताको मुद्दा खोजी नेपाली कांग्रेस माथि आक्रमण गर्न खोजेको बताए । उनले ओली सरकारले नै एसपीसी सम्झौता अघि बढाएको विषय सार्वजनिक भएको र यसबारेमा थप भन्नुपर्ने आवश्यक्ता नरहेको बताए ।
प्रवक्ता महतले एसपीपी सम्झौता कुनै सैन्य गठबन्धन नभएको बताउदै, विभिन्न देशका सेनासंग सहकार्य गरेर मानविय साहयता र प्राकृतिक प्रकोपमा सहयोग गर्ने विषय भएको यद्यपी यो सम्झौता सैन्य गठबन्धन तर्फ उन्मुख हुन सक्ने भन्दै एसपीपीमा नेपाल सहभागि नहुने बताए ।
प्रवक्ता महतले एक अर्को प्रसंगमा कांग्रेस पार्टी भित्र अझै अनुशासनको कमी रहेको बताएका छन् । स्थानीय तहको चुनावमा कांग्रेस पहिलो स्थानमा आउन सफल भएपनि पार्टी भित्र एकताको कमी भएको कारण अपेक्षाकृत नजिता आउन नसकेको बताए । उनी शनिबार अबेर सांझ बिरगंज पुगेका थिए ।
प्रतिक्रिया दिनुहोस् !