८ औँ चुरे दिवसको अवसरमा वृक्षारोपण

• मुस्कान श्रेष्ठ
वीरगन्ज (पर्सा), २ असार / ८ औँ चुरे दिवसकोे अवसरमा वीरगंज महानगरपालिका वडा नम्बर १० आर्दशनगरमा वृक्षा रोपण कार्यक्रम सम्पन्न भएको छ ।
सामुदायिक प्रहरी साझेदारी कार्यक्रम अन्तरर्गत गिन्र सिटी सामुदायिक प्रहरी सेवा केन्द्र आर्दशनगर र राष्ट्रपति चुरे तराई मधेश संरक्षण विकास समिति चितवनको संयुक्त आयोजनामा सम्पन्न वृक्षा रोपण कार्यक्रममा म्यागो स्टिक २ सय थान, कागती विरुवा ४० थान, निमको विरुवा ४० गरी २ सय ८० थान विरुवाहरु रोपिएको ग्रिन सिटीका अध्यक्ष जय प्रकाश खेतानले जानकारी दिए ।
तराई मधेश मरुभूमिकरण हुन सक्ने सम्भावनालाई मध्य नजर गर्दै दिवसको अवसरमा वृक्षारोपण कार्यक्रमको आयोजना गरिएको राष्ट्रपति चुरे तराई मधेश संरक्षण विकास समिति चितवनका ईन्जिनियर अनिल सिन्हाले बताए ।
कार्यक्रममा वीरगंज महानगरपालिकाका उप–मेयर ईम्तियाज आलम, पर्साका प्रमुख जिल्ला अधिकारी उमेश कुमार ढकाल, सहायक प्रमुख जिल्ला अधिकारी भिमकान्त पौडेल, श्री जंग गण वीरगंज पर्साका प्रमुख सेनानी डायमन कार्की, प्रहरी उपरीक्षक रमेश कुमार बस्नेत, सशस्त्र प्रहरी उपरीक्षक तेज प्रसाद पोखरेल, भारतीय महावाणिज्य दुतावासका नितेश कुमार, पर्साका ट्राफीक प्रहरी निरीक्षक धुब्र प्रसाद नेपाल, उद्योगी अशोक वैद्य लगायत ग्रिन सिटीका पदाधिकारी र संचारकर्मीहरुको उपस्थिति रहेको थियो ।
नेपाल सरकारले चुरे संरक्षणका लागि वि.स २०७१ साल असार २ गते राष्ट्रपति चुरे तराई मधेश संरक्षण विकास समिति गठन गरेको थियो । सोही अवसरमा आज देशभर १ लाख विरुवा रोपिने भएको छ ।