क्रियासिल युवा पत्रकार मंचको पहिलो साधारण सभा सम्पन्न

• मुस्कान श्रेष्ठ
वीरगन्ज (पर्सा), २८ पर्सा / क्रियासिल युवा पत्रकार मंचको पहिलो साधारण सभा शनिबार सम्पन्न भएको छ ।
सभाले प्रणय कुमार साहको अध्यक्षतामा नयाँ कार्य समिति गठन गरेकोे छ । नयाँ कार्यसमितिको उपाध्यक्षमा आनन्द पटेल, महासचिवमा विरेन्द्र साह, सचिवमा अरबिन्द पटेल, कोषाध्यक्षमा उपेन्द्र बरै रहेका छन् ।
यसैगरी सदस्यहरुमा आदित्य शर्मा, प्रिया कुमारी थारु, ओम प्रकाश सर्राफ, निलम चौधरी, सुनिल ओझा र कँहैयालाल वर्णवाल रहेका छन् । वीरगन्ज स्थित पत्रकार महासंघको सभाकक्षमा सम्पन्न कार्यक्रमको उद्घाटन वीरगन्ज उद्योग वाणिज्य संघका अध्यक्ष डा. सुबोध गुप्ताले गर्नुभएको थियो ।
कार्यक्रमलाई सम्बोधन गर्दै अध्यक्ष गुप्ताले समाजको विकासका लागि निजी क्षेत्र, राजनीतिककर्मी, पत्रकार र सामाजिक कार्यमा सक्रिय रहेका व्यक्तिहरु संयुक्त रुपमा अघि बढ्नुपर्ने आवश्यक्ता रहेको बताउनुृभयो ।
उनले यस क्षेत्रका पत्रकारहरुको विकासका लागि राष्ट्रिय तथा अन्तराष्ट्रिय स्तरका प्रशिक्षकहरुद्वारा तालिमको व्यवस्था गर्ने र सोको सम्पूर्ण खर्च उद्योग वाणिज्य संघले व्यवर्होने प्रतिबद्धता व्यक्त गर्नुभएको थियो ।
वीरगन्ज उद्योग वाणिज्य संघका वरिष्ठ उपाध्यक्ष अनिल अग्रवालले आर्थिक नगरी वीरगन्जमा निजी क्षेत्रका साथै यँहाका जनताको समस्याका समाधानका लागि उद्योग वाणिज्य संघले सहकार्य गरेर अघि बढ्ने बताउनुभयो ।
यसैगरी नेपाल पत्रकार महासंघका मधेश प्रदेश महासचिव श्याम बन्जाराले संस्थाले चयन गरेको नयाँ नेतृत्वले समाजमा चिनिने खालका पत्रकारिता गर्नुपर्ने कुरामा जोड दिनुभयो ।
उनले पत्रकारिता क्षेत्रमा युवा पत्रकारहरुले समाजमा दबिएका घटनाहरुलाई आ–आफ्ना संचारमाध्यमबाट संप्रेषण गरिरहेको सन्देश प्रवाह गर्न सके मात्र यस कार्यक्रमको उपादयता पूर्ण हुन सक्ने बताउनुभयो ।
सभाका सभापति क्रियासिल युवा पत्रकार मंचका अध्यक्ष साहले पत्रकार महासंघ गर्मीको मौसममा विधुत कटौती हुँदा कार्यक्रम संचालनमा समस्या हुने गरेको भन्दै महासंघलाई ईन्र्भटर उपलब्ध गराउने घोषणा गर्नुभयो ।
कार्यक्रममा जिल्ला प्रशासन कार्यलय पर्साका प्रमुख प्रशासकीय अधिकृत विनय श्रीवास्तव, पत्रकार महासंघ पर्साका अध्यक्ष अनुप तिवारी, समाजवादी प्रेस संगठन पर्साका अध्यक्ष मनोज पटेल लगायतले शुभकामना मन्तव्य व्यक्त गर्नुभएको थियो । क्रियासिल युवा पत्रकार मंचका महासचिव विरेन्द्र प्रसाद साहले सहजीकरण गर्नुभएको थियो ।