भन्सार छलीको समान सहित ३ वटा ट्रक प्रहरीको नियन्त्रणमा

• मुस्कान श्रेष्ठ
वीरगन्ज (पर्सा), २६ जेठ / पर्सा प्रहरीले अवैध रुपमा भन्सार छली ल्याएको हार्डवयर पार्टस, औषधीलगायतको खुद्रा समाग्रीहरूसहित ३ वटा ट्रक नियन्त्रणमा लिएको छ ।
जिल्ला प्रहरी कार्यलय पर्साबाट खटिएको टोलीले वीरगञ्ज महानगरपालिका वडा नं. १० घण्टाघर सडकखण्डमाबाट बा ५ ख ८६५८ र लु २ ख ५३४९ नम्बरको मालवाहक ट्रकहरूलाई नियन्त्रणमा लिएको हो । बिल विजक भन्दा बढी मुल्यका बिभिन्न किसिमका हार्वयर पार्टस, औषधी लगायतका मालवस्तुहरू बोकेको सूचना प्राप्त हुना साथ रोकी जाँच गर्ने क्रममा विल बिजक शंकास्पद देखिएको जिल्ला प्रकरी कार्यलय पर्साका प्रहरी प्रवक्ता एवम डिएसपी ओम प्रकाश खनालले जानकारी दिए ।
यसैगरी प्रहरीले वीरगञ्ज महानगरपालिका वडा नं. ८ माईस्थान सडकखण्डमा ना ४ ख ४३०१ नम्बरको मालवाहक ट्रकलाई नियन्त्रणमा लिएको छ । उक्त ट्रकबाट समेत बिल विजक भन्दा बढी बिभिन्न किसिमका औषधी, लत्ताकपडा लगायतका खुद्रा मालवस्तुहरू बरामद भएको प्रहरीले जनाएको छ ।
तिनवटै ट्रक नियन्त्रणमा लिई २ करोडको मूल्याङ्कन गरी आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यलय पर्साका प्रहरी प्रवक्ता ओम प्रकाश खनालले बताए ।