पर्सामा अवैध घरेलु मदिरा सहित ट्रक प्रहरीको नियन्त्रणमा

• मुस्कान श्रेष्ठ
वीरगन्ज (पर्सा), २६ जेठ / अवैध रुपमा घरेलु मदिरा लोड गरि ल्याउदै गरेको अवस्थमा पर्सा प्रहरीले ट्रकसहित चालकलाई पक्राउ गरेको छ । पक्राउ पर्नेमा वीरगंज महानगरपालिका वडा नम्बर १३ राधेमाई बस्ने ट्रक चालक ५४ वर्षीय लक्ष्मण साह रहेका छन् ।
जिल्ला प्रहरी कार्यलय पर्साबाट खटिएको टोलीले वीरगञ्ज महानगरपालिका वडा नं. २१ परवानीपुर चोक सडकखण्डमा ना २ ख ९३५७ नम्बरको मालवाहक ट्रकलाई चेकजाँच गर्ने क्रममा ट्रकभित्र लुकाई छिपाई ७ सय ६५ लिटर घरेलु मदिरा फेला पारेको जिल्ला प्रहरी कार्यलय पर्साका प्रहरी नायब उपरीक्षक ओम पक्राश खनालले जानकारी दिनुभयो ।
बरामद मदिरा नष्ट पारी पक्राउ परेका चालक तथा नियन्त्रणमा लिएको ट्रकको २० लाख मुल्याङ्कन गरी आवश्यक कारवाहीको लागि आन्तरिक राजश्व कार्यालय वीरगञ्ज पर्सामा बुझाइएको प्रवक्ता खनालले बताउनुभयो ।