• मुस्कान श्रेष्ठ
वीरगन्ज (पर्सा), २० जेठ / मकवानपुर जिल्लामा भएको सवारी दुर्घटनामा वीरगंज महानगरपालिकाका नव निर्वाचित जनप्रतिनिधिसहित ८ जना घाईते भएका छन् । मकवानपुरको गढी गाउँपालिका( २ जीपलाइनस्थित कान्तिलोकपथ सडकखण्डमा बिहान साढे १ बजे ना ४ च ६४३६ नम्बरको बोलेरो पिकअप अनियन्त्रितत भई दुर्घटना भएको जिल्ला प्रहरी कार्यलय मकवानपुरले जनाएको छ ।
घाईते हुनेहरुमा वीरगञ्ज महानगरपालिका वडा नं २९ का वडा अध्यक्ष मनोज कुमार यादव र र ३० का वडा अध्यक्ष धर्मेन्द्रप्रसाद महतो थारु रेहका छन् । यस्तै वडा नं २४ का वडा सदस्य सद्दाम हुसेन आलम, वडा नं २५ का वडा सदस्य जगदिश साह र वडा नं ३२ की दलित महिला सदस्य पुजादेवी राम पनि घाइते भएकी छिन् । उनीहरुको अवस्था सामान्य रहेको प्रहरीले जनाएको छ ।
जिल्ला प्रहरी कार्यालय मकवानपुरले दिएका अनुसार सवारी चालक वीरगञ्ज(२० निवासी भानु यादव भने फरार भएका छन् । उनीहरुको उपचारका लागि चुहेहिल अस्पताल हेटौंडामा लगिएकोमा थप उपचारका लागि भरतपुर रिफर गरिदिएको थियो । वीरगंज महानगरपालिकामा शुक्रबार हुने कार्यपालिकाको निर्वाचनका लागि उनीहरु वीरगञ्ज जाँदै थिए ।
प्रतिक्रिया दिनुहोस् !