चोरीको मोटरसाइकल सहित दुइ जना पक्राउ

वीरगन्ज (पर्सा), ८ जेठ / पर्सा प्रहरीले चोरीको मोटरसाईकल सहित दुई जनालाई पक्राउ गरेको छ । पक्राउ पर्नेमा पर्साको पर्सागढी नगरपालिका वडा नम्बर ९ का नीरन्जन यादव र धिरज कुमार यादव रहेका छन् । वीरगन्ज महानगरपालिका वडा नम्बर २१ बस्ने सन्दिप कुमार चौरसियाले ना ५१ प ५१२२ नम्बरको मोटरसाईकल आफ्नै घर अगाडी पार्किङ गरि राखिएको अवस्थामा उक्त मोटरसाइकल चोरी भएको थियो ।
मोटरसाईकल चोरी भएको जानकारी पाए लगतै खोजीमा खटिएको प्रहरीको टोलीले उक्त मोटरसाईकलमा बी.आर ०५ ए ८८७२ भारतीय नम्बर प्लेट लगाएर चलाउदै गरेको अवस्थामा यादवद्वयलाइ पर्सागढी नगरपालिकाको वडा नम्बर ३ बडनिहार बजारबाट पक्राउ गरेको हो ।
उनीहरुको साथबाट बी.आर २२ ए.एफ ८५९५ नम्बरको टिभिएस मोटरआईकल समेत बरामद भएको पर्साका प्रहरी प्रवक्ता प्रहरी नायव उपरीक्षक ओमप्रकास खनालले जानकारी दिए । बरामद भारतीय नम्बर प्लेटको मोटरसाईकल पनि चोरीकै रहेको खनालले बताए ।