वीरगन्ज, २७ चैत / नारायणी अस्पतालमा कार्यरत डाक्टर दिपक चौरसिया बिगत केही दिनदेखि मानवीय सेवामा सक्रिय भएका छन् । उनले अहिले बेवारिसे मानिसहरुको उपचार गर्नमा व्यस्त भएका छन् । बिगत लामो समयदेखि वीरगन्ज लगायत पर्सा जिल्लामा बेवारिसे अवस्थामा फुटपाथमा भौतारि रहेका व्यक्तिहरुलाई भेटेर तिनीहरुको स्वास्थ्यमा देखिएको समस्यालाई न्यूनीकरण गर्न नारायणी अस्पतालमा ल्याएर उपचार गर्न थालेका छन् ।
बेवारिसे एवम् मानसिक अवस्था गुमाएका मानिसहरु सडक पेटिमा भौतारि रहेकोले कसैले खासै ध्यान नदिएपछि तिनीहरुको स्वास्थ्य अवस्थालाई सुधार गर्नका लागि डा. चौरसिया अग्रसर देखिएका छन् । प्रहरीहरुले फुटपाथबाट स्वास्थ्य अवस्था विग्रिएकाहरुलाई नारायणी अस्पतालमा ल्याए छाड्ने गरेको बताइएको छ । केही दिन पहिला त्यस्तै बेवारिसे अवस्थामा रहेका मानसिक सन्तुलन गुमाएका एक व्यक्तिको खुट्टामा घाउ खटिरा भएको आएकोमा यसलाई उचित ब्यवस्थापन गर्न भनेर मानव सेवा आश्रमलाई जानकारी गराएपनि कसैले चासो नदिएपछि समस्या आएको डाक्टर चौरसियाको भनाई छ ।
ति ब्यक्तिको खुट्टामा घाउ सडेर किरा परिसकेको अवस्थामा ल्याइएको थियो, आफुले मानवीय सेवाको भावनाले उपचारमा खटि त्यसको उपचार गरेको उनको भनाई छ । हामी अस्पतालमा सेवा दिने डाक्टर भएको तर यसलाई उचित ब्यवस्थापन गर्ने जिम्मेवारी जनप्रतिनिधिहरुको रहेकोमा त्यस्ता वेवारिसे व्यक्तिहरुलाई कसैले व्यवस्थापन नगरेको कारण समस्या भएको बताए । प्रहरीले त्यस्ता वेवारिसे व्यक्तिहरुलाई ल्याएर अस्पतालमा छाड्ने गरेको कारण ब्यवस्थापनमा समस्या हुने गरेको डा. चौरसियाको भनाई छ । अस्पतालमा एक त विमारी राख्ने ठाउँको अभाव छ, त्यसमा पनि यस्ता वेवारिसे अवस्थाका मानसिक सन्तुलन गुमाएकाहरुलाई ल्याएर अस्पतालमा छाड्े पश्चात सम्बन्धित निकायलाई बारम्बार जानकारी गराउँदा समेत कसैले चासो नदिएको बताए ।
डा. चौरसियाको भनाइ अनुसार कुनै जन्मजात मानसिक सन्तुलन बिग्रिएको हुन्छ भने कुनै विभिन्न कारणले मानसिकता गुमाएका हुन्छन्, विरामीहरुलाई उपचार गर्न खासै कठिनाई छैन, तर मानसिक अवस्था गुमाएकाहरुलाई उपचारमा समस्या पर्ने गरेको तर त्यसमा पनि व्यवस्थापन सबै भन्दा ठूलो चुनौति रहेकोले त्यस्ता वेवारिसे मानसिक सन्तुलन गुमाएकाहरुलाई सम्बन्धित निकायले व्यवस्थापनमा ध्यान दिनुपर्ने बताए ।
अहिले ती बिमारीको उपचार आफ्नो ब्यक्तिगत खर्च र नारायणी अस्पतालको आर्थिक सहयोगमा भइरहेको भएपनि उनको रेखदेख गर्ने मानिस नहुँदा समस्या भएको डा. चौरसियाको भनाई छ । वीरगन्जमा धेरै सामाजिक सँस्थाहरु छन्, जो मानवीय सेवा कार्य गर्दै आएको देखावटी प्रचार गरेपनि देखावटी भन्दा वेवारिसे अवस्थामा रहेकाहरुलाई व्यवस्थापनमा ध्यान दिए सहज हुने बताए ।
प्रतिक्रिया दिनुहोस् !