वीरगंज (पर्सा), १४ असार । अत्यधिक गर्मीका बीच नेपाल विद्युत् प्राधिकरण वीरगंज वितरण केन्द्रले रातिको समयमा पटक–पटक विद्युत् अवरुद्ध गर्न थालेपछि वीरगंजका बासिन्दा समस्यामा परेका छन् । गर्मी बढदै गए पछि केही दिन यता पूर्वसूचना बिना नै रातिको बेला, लामो समयसम्म विद्युत् अवरोध हुने गरेको स्थानीयको गुनासो छ ।
गर्मिको समयमा दिनभर थकित सर्वसाधरणलाई राति आरम गर्न अनिवार्य हो, तर आरम गर्ने समयमा नै वितरण केन्द्रले गैह्र जिम्मेवार पूर्ण तरिकाले लाइन अवरुद्ध गरिरहेका छन् । लामो समयसम्म बत्ती नआउँदा सर्वसाधारण, ज्येष्ठ नागरिक, बालबालिका तथा बिरामी बढी प्रभावित भएका छन् । विद्युतको कारण अधिकाँश उपभोक्ता मानसिक र शारिरिक रुपमा समेत अस्वास्थ्य बनिरहेको उपभोक्ताको भनाई छ । राति अनिदो हुँदा बालबालिकाको पढाई र स्वस्थ्य दुवै विग्रीरहेका छन् ।
अन्तत जनता सरकारप्रति आक्रोशित बन्न थालेका छन् । यता सत्तारुढ रास्वपाका स्थानीय नेता कार्यकर्ताहरूले भने सरकारलाई बदनाम गराउन प्रधिकरण संयन्त्रले बदनियतपूर्ण काम गरिरहेको आरोप लगाएका छन् । ओभर लोड भएर ट्रिप जानु स्वभाविक भए पनि घण्टौंसम्म वेवास्ता गर्नु र मरम्मत सम्भारमा तदारुकता दिन नसक्नु प्रधिकरण कै कमजोरी रहेको उनीहरूको भनाई छ । प्रधिकरणका अधिकारीहरूले भने उक्त आरोपको खण्डन गरेका छन् । 
प्रतिक्रिया दिनुहोस् !