जितपुरसिमरा (बारा), ८ असार । बाराको जीतपुरसिमरा नगर उद्योग वाणिज्य संघको अध्यक्षमा युवा उद्यमी गजेन्द्र कुमार गुप्ता निर्वाचित भएका छन् । संघको नयाँ नेतृत्व चयनका लागि आइतबार भएको मतदानको सोमबार घोषित मतगणनाको अन्तिम नजिता अनुसार, प्रतिस्पर्धी उम्मेदवार मनोजकुमार गुप्तालाई फराकिलो मतान्तरले पराजित गर्दै अध्यक्षमा गजेन्द्र विजयी भएका हुन् ।
अध्यक्षमा निपर्वाचित गजेन्द्रले ५२९ मत पाए भने मनोजले १९९ मतमात्रै पाउन सके । यस्तै संघको बरिष्ठ उपाध्यक्षमा शीवजी साह सोनार विजयी भएका छन् ।बरिष्ठ उपाध्यक्षमा सोनार ५०२ मतका साथ विजयी हुदाँ उनका प्रतिस्पर्धी उम्मेदवार सन्तोष कुमारले १९५ मतमात्रै पाए ।
यसैगरि वाणिज्यतर्फको उपाध्यक्षमा ५३१ मतका साथ रामबाबु कलवार निर्वाचित भएका छन् । उनका निकटतम प्रतिस्पर्धी प्रमोद साहले १११ मत पाए । यस्तै महासचिवमा प्रकाश गिरि ५१२ मतका साथ निर्वाचित हुदाँ उनका निकटतम प्रतिस्पर्धी सुशील शर्माले १८८ मत पाएका छन् ।
यसैगरि कोषाध्यक्षमा रीना रौनियार ४१२ मतका साथ, वाणिज्यतर्फको सचिवमा २९७ मतका साथ निर्वाचित भएकी छन् । वाणिज्यतर्फको सदस्यमा अमरेन्द्र कलवार, नवरतन कलवार, बलराम पौडेल, वीभा गुप्ता, विजय गुप्ता, मनोहरबाबु गुप्ता, मुकुन्द रिजाल , रुपनारायण गुप्ता र श्रीराम साह कानु निर्वाचित भएका छन् । 
प्रतिक्रिया दिनुहोस् !