Birgunj Times
  • होमपेज
  • समाचार
  • प्रदेश
    • प्रदेश १
    • मधेस
    • वागमती
    • गण्डकी
    • लुम्बिनी
    • कर्णाली
    • सुदुरपस्चिम
  • राष्ट्रिय
  • समाज
  • राजनीति
  • शिक्षा
  • सम्पादकीय
  • मनोरञ्जन
  • विविध
    • खेलकुद
    • विचार
    • अन्तराष्ट्रिय
    • अन्तर्वार्ता
    • कृषि
    • कला/साहित्य
    • अर्थ/वाणीज्य
    • धर्म/संस्कृति
    • पत्र-पत्रिका
    • फोटो ग्यलरी
    • रोचक
    • विज्ञान/प्राविधि
No Result
View All Result
TRENDING
प्रतिनिधिसभा निर्वाचन प्रतिनिधिसभा उम्मेदवार जिल्ला प्रहरी कार्यालय पर्सा वीरगंज महानगरपालिका जिल्ला प्रशासन कार्यालय नेशनल मेडिकल कलेज राष्ट्रिय स्वतन्त्र पार्टी वीरगंज भन्सार कार्यालय
  • होमपेज
  • समाचार
  • प्रदेश
    • प्रदेश १
    • मधेस
    • वागमती
    • गण्डकी
    • लुम्बिनी
    • कर्णाली
    • सुदुरपस्चिम
  • राष्ट्रिय
  • समाज
  • राजनीति
  • शिक्षा
  • सम्पादकीय
  • मनोरञ्जन
  • विविध
    • खेलकुद
    • विचार
    • अन्तराष्ट्रिय
    • अन्तर्वार्ता
    • कृषि
    • कला/साहित्य
    • अर्थ/वाणीज्य
    • धर्म/संस्कृति
    • पत्र-पत्रिका
    • फोटो ग्यलरी
    • रोचक
    • विज्ञान/प्राविधि
No Result
View All Result
E-PAPER
Birgunj Times
No Result
View All Result

नेशनल मेडिकल कलेजमा शिशु मृत्यु प्रकरणः अक्सिजन अभावले मृत्यु भएको दाबी अस्वीकार !

अस्पतालले बुधबार प्रेस विज्ञप्ति जारी गर्दै शिशुलाई अस्पताल भर्ना गर्दादेखि मृत्यु हुँदासम्मको उपचार प्रक्रिया, स्वास्थ्य अवस्था र अक्सिजन आपूर्ति प्रणालीबारे आफ्नो धारणा सार्वजनिक गरेको हो । अस्पतालका अनुसार २०८३ कात्तिक २९ गते साँझ ७ः२० बजे तीन दिनदेखि ज्वरो आएको, शरीर पहेँलो भएको र अस्पताल ल्याउनुअघि सात घण्टाभित्र पाँचदेखि सात पटकसम्म कम्पन (सिजर) आएको अवस्थामा शिशुलाई आकस्मिक कक्षमा ल्याइएको थियो ।

वीरगंज टाइम्स
वीरगंज टाइम्स
मंसिर ३, २०८३
गोलीले क्षतविक्षत बनाएको शरीरः चिकित्सकको प्रयासले आदित्यले पाए नयाँ जीवन, फर्कियो होस

वीरगंज (पर्सा), ३ मंसिर । वीरगंजस्थित नेशनल मेडिकल कलेज तथा शिक्षण अस्पतालमा उपचारका क्रममा १५ दिने नवजात शिशुको मृत्यु भएपछि उत्पन्न विवाद चर्किँदै गएको छ । शिशुको मृत्यु अक्सिजन अभावका कारण भएको भन्ने आरोपलाई अस्पताल प्रशासनले अस्वीकार गर्दै उपचारका क्रममा कुनै पनि समयमा अक्सिजन आपूर्ति बन्द नभएको दाबी गरेको छ । साथै, घटनाको निष्पक्ष छानबिन गर्न अस्पतालले सहमति जनाउँदै कानुनबमोजिम हुने स्वतन्त्र अनुसन्धानमा सहयोग गर्ने प्रतिबद्धता जनाएको छ ।

अस्पतालले बुधबार प्रेस विज्ञप्ति जारी गर्दै शिशुलाई अस्पताल भर्ना गर्दादेखि मृत्यु हुँदासम्मको उपचार प्रक्रिया, स्वास्थ्य अवस्था र अक्सिजन आपूर्ति प्रणालीबारे आफ्नो धारणा सार्वजनिक गरेको हो । अस्पतालका अनुसार २०८३ कात्तिक २९ गते साँझ ७ः२० बजे तीन दिनदेखि ज्वरो आएको, शरीर पहेँलो भएको र अस्पताल ल्याउनुअघि सात घण्टाभित्र पाँचदेखि सात पटकसम्म कम्पन (सिजर) आएको अवस्थामा शिशुलाई आकस्मिक कक्षमा ल्याइएको थियो ।

प्रारम्भिक परीक्षणमा शिशुको अवस्था अत्यन्त गम्भीर देखिएको र रगतमा बिलिरुबिनको मात्रा २६.४ एमजी/डीएल रहेको अस्पतालले जनाएको छ । नवजात शिशुमा बिलिरुबिनको यस्तो उच्च मात्रा मस्तिष्कमा गम्भीर असर पार्न सक्ने जोखिमयुक्त अवस्था भएको अस्पतालको भनाइ छ ।

बालरोग तथा नवजात शिशु सघन उपचार कक्ष (एनआईसीयू) का विशेषज्ञ चिकित्सकको निगरानीमा शिशुको उपचार सुरु गरिएको थियो । अस्पतालका अनुसार डबल सर्फेस फोटोथेरापी, निरन्तर स्वास्थ्य निगरानी, श्वासप्रश्वास तथा रक्तसञ्चारमा आवश्यक सहयोग, पोषण व्यवस्थापन र सम्भावित संक्रमण नियन्त्रणका लागि एन्टिबायोटिक औषधि दिइएको थियो ।

उपचार सुरु भएको १२ घण्टाभित्र बिलिरुबिनको मात्रा २६.४ बाट घटेर १५.१ एमजी/डीएल पुगेको अस्पतालले जनाएको छ । तर, शिशुलाई भर्ना हुनुअघि र एनआईसीयूमा उपचारकै क्रममा समेत पटकपटक कम्पन आएको तथा स्नायुसम्बन्धी समस्या देखिएकाले स्वास्थ्य जोखिम कायमै रहेको अस्पतालको दाबी छ ।

अस्पतालको विवरणअनुसार मंसिर १ गते दिउँसो २ः१५ बजेसम्म शिशुको अवस्था स्थिर थियो । तर, दिउँसो ३ बजे अचानक श्वासप्रश्वासमा समस्या देखिनुका साथै मुटुको धड्कन प्रतिमिनेट ७९ मा झरेको थियो । त्यसको केही समयपछि अक्सिजनको मात्रा (एसपीओटु) ५६ प्रतिशतसम्म घटेको अस्पतालले जनाएको छ ।

त्यसपछि चिकित्सक तथा स्वास्थ्यकर्मीको टोलीले सीपीआर, भेन्टिलेटरमार्फत श्वासप्रश्वास सहयोग, एड्रेनालिनलगायत औषधि प्रयोग गरी शिशुलाई बचाउने प्रयास गरेको थियो । तर, निरन्तर पुनर्जीवन प्रयास सफल हुन नसकेपछि मंसिर १ गते साँझ ५ः०५ बजे चिकित्सकले शिशुको मृत्यु घोषणा गरेका थिए ।

अक्सिजन अभावको आरोप अस्वीकार
शिशुको मृत्युपछि अस्पतालमा अक्सिजन अभावका कारण घटना भएको भन्दै सार्वजनिक भएका समाचार तथा आरोपप्रति अस्पताल प्रशासनले आपत्ति जनाएको छ । अस्पतालले एनआईसीयूलगायत संवेदनशील उपचार कक्षमा अक्सिजन आपूर्तिका लागि बहुस्तरीय वैकल्पिक व्यवस्था रहेको दाबी गरेको छ ।

अस्पतालका अनुसार केन्द्रीय अक्सिजन प्लान्ट, केन्द्रीय सिलिन्डर म्यानिफोल्ड, एनआईसीयूका लागि छुट्टै स्थानीय म्यानिफोल्ड तथा तयारी अवस्थामा दुईवटा अक्सिजन सिलिन्डर राखिएको छ । यी व्यवस्थाले अक्सिजनको निरन्तर आपूर्ति सुनिश्चित गर्ने अस्पतालको भनाइ छ ।

विरोधका क्रममा एम्बुलेन्स र अक्सिजन बोकेको गाडीसमेत रोकिएको दाबी
शिशुको मृत्युपछि मंसिर २ गते अस्पताल परिसरमा भएको विरोध प्रदर्शनका क्रममा स्वास्थ्य सेवा प्रभावित भएको अस्पतालले जनाएको छ । केही व्यक्तिको समूहले मुख्य प्रवेशद्वारमा तालाबन्दी गरी चिकित्सक तथा स्वास्थ्यकर्मीलाई अस्पताल प्रवेशमा रोक लगाएको अस्पतालको आरोप छ ।

अस्पताल प्रशासनका अनुसार उक्त क्रममा गम्भीर बिरामी बोकेका तीनवटा एम्बुलेन्स र उपचाररत बिरामीका लागि अक्सिजन सिलिन्डर बोकेको सवारीसाधनलाई समेत अस्पतालभित्र प्रवेश गर्न दिइएन । बहिरंग सेवा अवरुद्ध गर्नुका साथै चिकित्सक, स्वास्थ्यकर्मी तथा कर्मचारीलाई धम्की र दुर्व्यवहार गरिएको पनि विज्ञप्तिमा उल्लेख छ ।

कर्मचारीहरूले दिएको लिखित निवेदनमा ज्यान मार्ने धम्की तथा महिला कर्मचारीमाथि समेत हातपात र दुर्व्यवहार भएको उल्लेख रहेको अस्पतालले जनाएको छ । शिशुको परिवारले न्याय माग गर्ने अधिकारलाई सम्मान गर्ने बताउँदै अस्पतालले विरोधका नाममा आकस्मिक स्वास्थ्य सेवा अवरुद्ध गर्ने, एम्बुलेन्स रोक्ने र स्वास्थ्यकर्मीमाथि धम्की दिने कार्य स्वीकार्य नहुने जनाएको छ ।

छानबिनमा सहयोग गर्ने प्रतिबद्धता
शिशुको उपचार र मृत्युका परिस्थितिबारे परिवारले उठाएका प्रश्न तथा चासोलाई गम्भीरतापूर्वक लिएको अस्पतालले जनाएको छ । घटनाको वास्तविकता पत्ता लगाउन हुने कुनै पनि स्वतन्त्र चिकित्सकीय वा प्रशासनिक छानबिनमा पूर्ण सहयोग गर्ने प्रतिबद्धतासमेत विज्ञप्तिमार्फत व्यक्त गरिएको छ ।

अस्पतालको स्पष्टीकरणले अक्सिजन अभावको आरोप अस्वीकार गरेपनि नवजात शिशुको मृत्युबारे परिवार र सार्वजनिक वृत्तमा उठेका प्रश्नको निरूपण अझै स्वतन्त्र छानबिनकै विषय बनेको छ । यस्तो संवेदनशील घटनामा अस्पतालको दाबी वा परिवारको आरोपलाई मात्रै अन्तिम सत्य मान्नुभन्दा निष्पक्ष अनुसन्धानमार्फत वास्तविकता सार्वजनिक गर्नु आवश्यक देखिन्छ ।

Tags: नेशनल मेडिकल कलेजमा शिशुको मृत्युको वास्तविक कारण के ?
वीरगंज टाइम्स

वीरगंज टाइम्स

निष्पक्ष, सत्य र तथ्यमा आधारित पत्रकारिता मार्फत पाठकलाई छिटो, विश्वसनीय र जिम्मेवार सूचना उपलब्ध गराउनु वीरगंज टाइम्सको मूल उद्देश्य हो ।

प्रतिक्रिया दिनुहोस् !

ताजा अपडेट

गोलीले क्षतविक्षत बनाएको शरीरः चिकित्सकको प्रयासले आदित्यले पाए नयाँ जीवन, फर्कियो होस

नेशनल मेडिकल कलेजमा शिशु मृत्यु प्रकरणः अक्सिजन अभावले मृत्यु भएको दाबी अस्वीकार !

मंसिर ३, २०८३
बाराको ४ नम्बर पुलमा ईभीको ठक्करबाट स्कुटर चालकको मृत्यु, श्रीमती घाइते

बाराको ४ नम्बर पुलमा ईभीको ठक्करबाट स्कुटर चालकको मृत्यु, श्रीमती घाइते

मंसिर ३, २०८३
२० वर्ष नपुगी विवाह गर्न नपाइने, पटेर्वा सुगौलीमा उमेर प्रमाणीकरण अनिवार्य

२० वर्ष नपुगी विवाह गर्न नपाइने, पटेर्वा सुगौलीमा उमेर प्रमाणीकरण अनिवार्य

मंसिर ३, २०८३
जिल्ला प्रहरी कार्यालय पर्सामा केही प्रहरी कर्मचारी विगत १५ वर्ष अघिदेखि काजमै

पर्सामा अपराधको चाङः एक महिनामै ११८ घटना, प्रहरीको तथ्यांकले देखायो चुनौतीपूर्ण अवस्था !

मंसिर २, २०८३

जनहितमा जारी सन्देश….

यो वेबसाइट वीरगंज टाईम्स मिडिया प्रा.लि. को आधिकारिक न्यूज पोर्टल हो । जसले नेपाली भाषाको स्थानीय, राष्ट्रिय, अन्तराष्ट्रिय समाचार प्रकाशनको साथै मनोरंजन, खेलकुद, साहित्य, जीवनशैली, आर्थिक, बिचार तथा खोजमुलक सत्य, तथ्य र निस्पक्ष तरिकाले, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

 

सम्पर्क

  • वीरगंज टाईम्स मिडिया प्रा.लि.
  • वीरगंज महानगरपालिका वडा नं. १६, पर्सा
    वीरगंज 44300
  • नेपाल सूचना तथा प्रसारण विभाग दर्ता नं. : ३१०१-०७८/०७९
  • सम्पर्क : +977-9855014253
  • timesbirgunj@gmail.com
  • https://birgunjtimes.com/

हाम्रो टिम

संचालक : वीरगंज टाईम्स मिडिया प्रा‍.लि.

सम्पादक                   : हरिशंकर शर्मा
संवाददाता                 : मुस्कान श्रेष्ठ
फोटो पत्रकार            : जाकिर मियाँ तेली

फेसबुक फ्यानपेज

Facebook

© 2021 : Birgunj Times Media Pvt. Ltd. - All Rights Reserved.

  • होमपेज
  • समाचार
  • प्रदेश
    • प्रदेश १
    • मधेस
    • वागमती
    • गण्डकी
    • लुम्बिनी
    • कर्णाली
    • सुदुरपस्चिम
  • राष्ट्रिय
  • समाज
  • राजनीति
  • शिक्षा
  • सम्पादकीय
  • मनोरञ्जन
  • विविध
    • खेलकुद
    • विचार
    • अन्तराष्ट्रिय
    • अन्तर्वार्ता
    • कृषि
    • कला/साहित्य
    • अर्थ/वाणीज्य
    • धर्म/संस्कृति
    • पत्र-पत्रिका
    • फोटो ग्यलरी
    • रोचक
    • विज्ञान/प्राविधि