वीरगंज (पर्सा), १६ जेठ । कृषिप्रधान देश नेपालमा कृषि क्षेत्रको आधुनिकीकरणलाई प्रोत्साहन गर्नुपर्ने बेला सरकारले विभिन्न कृषि उपकरणमा लाग्ने भन्सार दर वृद्धि गरेको छ । यसले सवैभन्दा बढि असर कृषि प्रधान प्रदेश मधेशमा पर्ने भन्दै मधेशका किसानहरू आपती जनाएका छन् ।
बजेट भाषनमा थ्रेसर, पराल काट्ने मेसिन, कल्टिभेटर, हार्बेस्ट कम्बाइन लगायतका कृषि मेसिनरीमा लाग्दै आएको १ प्रतिशत भन्सार दर बढाएर ५ प्रतिशत पुर्याइएको छ । यस निर्णयले कृषि उपकरणको लागत बढ्ने र त्यसको प्रत्यक्ष असर किसानमाथि पर्ने भएको छ । कृषि उत्पादन लागत वृद्धि भई कृषकहरू थप आर्थिक दबाबमा पर्ने भन्दै मधेशका कृषकहरूले असन्तुष्टी जनाएका छन् ।
कृषि क्षेत्रलाई प्रतिस्पर्धी र आधुनिक बनाउन आवश्यक उपकरणहरू सहज र सुलभ बनाउनुपर्ने अवस्थामा भन्सार दर वृद्धि हुनु चिन्ताको विषय भएको निर्मल ठोरी साना किसान कृषि सहकारी संस्था लिमिटेडका अध्यक्ष खगेन्द्र श्रेष्ठले बताउनु भयो । त्यसैगरि रौतहट कृषक महासंघका अगुवा सुरेन्द्र कुमारले सरकारको यो निर्णयले कृषि मेसिनरीको बजार मूल्य बढ्ने र त्यसको मार साना किसानहरूमा पर्ने भएकाले पुनर्विचारको माग गरिरहेका छन् ।
कृषिको विकास र आत्मनिर्भरताको लक्ष्य हासिल गर्न कृषि उपकरणमा सहुलियत र प्रोत्साहन आवश्यक रहेको सरोकारवालाहरूको धारणा छ । 
प्रतिक्रिया दिनुहोस् !