कलैया (बारा), २७ जेठ । बारा प्रहरीले लागु औषध गाँजा सहित दुई जनालाई पक्राउ गरेकाे छ । ईलाका प्रहरी कार्यालय अम्लेखगंजबाट खटिएको प्रहरी टोलीले ८० किलाे लागु औषध गाँजा सहित दुई जनालाई नियन्त्रणमा लिएकाे हाे । पक्राउ पर्नेमा जिल्ला चितवन, राप्ती नागरपालिकाकाे वडा नं. १० रिकाटार निवासी २५ बर्षिय मान बहादुर वाईवा र जिल्ला मकवानपुर, राक्सीराङ गाउँपालिका ५ निवासी २६ बर्षिय सुमन स्याङताङ रहेका छन् ।
जीतपुर सिमरा उप-महानगरपालिका वडा नं.२१ अमलेखगंज स्थित मनहरीबाट पथलैया तर्फ आउदै गरेको बा १० च ३६१९ नम्बरको कार शंकास्पद लागी रोकी चेक जाँच गर्दा कारको पछाडीको डिक्कीमा लुकाई छिपाई राखेको ८० किलाे लागु औषध गाँजा वरामद भएकाे जिल्ला प्रहरी कार्यालय बाराका प्रवक्ता डिएसपी दधिराम न्याैपानेले वताए । कार सहित दुबै जनालाई नियन्त्रणमा लिई लागू औषध मुद्दा दर्ता गरी जिल्ला अदालत बाराबाट ७ दिन म्याद थप गरी थप अनुसन्धान कार्य भई रहेको उनले जानकारी दिए ।
यसैगरी जिल्ला प्रहरी कार्यालय बारा मातहत कै ईलाका प्रहरी कार्यालय सिम्रौनगढ र प्रहरी चौकी श्रीनगर बैरियाबाट खटिएको संयुक्त प्रहरी टोलीले १० किलाे लागु औषध गाँजा बरामद गरेकाे छ । प्रवक्ता न्याैपानेका अनुसार सिम्रौनगढ नगरपालिकाकाे वडा नं.१ हनुमान चोक स्थित चेक जाँच गर्ने क्रममा नयकाटोलाबाट भारत तर्फ जादै गरेको बिआर ०५ सि ७०५४ नम्बरको भारतीय हिरोहुण्डा मोटरसाइकल प्रहरीलाई देखि फाली फरार भएका थिए ।
उक्त मोटरसाइकल शंकास्पद लागी चेक जाँच गर्दा सिट मुनी रातो प्लास्टिकमा बेरी लुकाई छिपाई राखेको १० लागु औषध गाँजा वरामद भएकाे थियाे । त्यसपछि उक्त माेटरसाइकलसहित गाँजा नियन्त्रणमा लिई थप अनुसन्धान कार्य भई रहेको जिल्ला प्रहरी कार्यालय बाराले जनाएकाे छ ।
यसैगरी जिल्ला प्रहरी कार्यालय बारा मातहत कै प्रहरी चौकी पथलैयाबाट खटिएको प्रहरी टोलीले ३२ किलाे गाँजा बरामद गरेकाे छ । जीतपुर सिमरा उप-महानगरपालिका वडा नं.१ पथलैया चोक स्थित हेटौडाबाट पथलैया तर्फ आउदै गरेको प्र.०३-००२प ५८५४ नम्बरको मोटसाइकलमा लागु औषध गाँजा बरामद भएकाे प्रहरीले जनाएकाे छ ।
प्रहरीलाई देखि फाली फरार भएको उक्त मोटरसाइकल पछाडी बाँधी राखेको झोला चेक जाँच गर्दा १० किलाे लागू औषध गाँजा वरामद भएकाे थियाे । त्यसपछि उक्त मोटरसाइकल समेत नियन्त्रणमा लिई थप अनुसन्धान कार्य भई रहेको जिल्ला प्रहरी कार्यालय बाराले प्रेस विज्ञप्ती मार्फत जनाएकाे छ ।
प्रतिक्रिया दिनुहोस् !