वीरगंज (पर्सा), २६ मंसिर । पर्साकाे पकहाँ मैनपुर गाउँपालिकामा गरिब, दलित र विपन्न परिवारका २५ जनाले रु २५ हजारकाे दरले अनुदान पाएका छन् । पकहाँ मैनपुर गाउँपालिकाको सहयोगमा सामाज सुधार बचत तथा ऋण सहकारी संस्थाले पकहाँ मैनपुर गाउँपालिका वडा नं. १ धाेरेका २५ जनालाई साेमबार एक कार्यक्रमकाे बिच साे अनुदान रकमकाे चेक वितरण गरेकाे हाे ।
कार्यक्रमका प्रमुख अतिथी पकहाँ मैनपुर गाउँपालिका अध्यक्ष सुरेश प्रसाद मेहताले बहुक्षेत्री पाेषण याेजना कार्यक्रम अन्तर्गत २५ जना महिलालाई अनुदान रकमकाे चेक वितरण गरेका हुन् । चेक वितरण गर्दै अध्यक्ष मेहताले पाएकाे रकमबाट ब्यवसाय गरि महिलाहरुले आयआर्जन गर्नु पर्ने वताए ।
उनले महिला घरकाे काम मात्र सिमित हुनु पर्ने चलनलाई हटाउँदै व्यवसाय तर्फ पनि अगाडी बढ्नु पर्ने सुझाव दिए । महिला आत्य निर्भर नभए सम्म मधेश गरिबी नहटने बताउँदै अध्यक्षता मेहताले महिला घर मै समिति हुनु पर्ने चलन हटाउनु पर्नेमा जाेड दिए । पाेष्ण सुधारकाे लागि दलित विपन्न महिलाहरुलाई आयआर्जन अनुदान रकम वितरण गरिएकाे पाेष्ण कार्यक्रमका कर्मचारी गणेश रामले बताए ।
पकहाँ मैनपुर १ का वडाध्यक्ष विनोद मेहताको अध्यक्षतामा भएकाे चेक वितरण कार्यक्रममा कार्यपालिका सदस्य रामबहादुर शाह सोनार, सदस्य वृजन दास, समाजसेवी रामबाबु मेहता, सदस्य राधिका राम, सचिव नग्नारायण साह, उमेश बैठा लगायतको सहभागिता रहेको थियो । 
प्रतिक्रिया दिनुहोस् !