वीरगंज (पर्सा), ८ मंसिर । राष्ट्रिय स्वतन्त्र पार्टीका सभापति रवि लामिछानेले मधेसकाे भविष्य रास्वपाले फेर्ने दाबी गरेका छन्। वीरगंजमा आयाेजित पार्टीकाे कार्यक्रमलाई सम्बाेधन गर्दै सभापति लामिक्षानेले मधेशकाे भविष्य फेर्न आफु मधेश आएकाे वताए । उनले देश र मधेशकाे भविष्य फेर्न तयारीकाे साथ आफु मधेश प्रवेश गरेको भन्दै बर्षाेदेखि विभेदमा परेकाे मधेशमा विशेष तयारी गरि आफु एक हप्ते कार्यक्रम अन्तर्गत मधेश आएकाे वताए ।
उनले भने “धेरैले मधेशमा किन आउनु भएन, कहिले आउनुहुन्छ भनिरहँदा मैले भनिरहेका थिए । बर्षाेदेखि विभेदमा परेकाे मधेशमा तयारीकाे साथ आउनु पर्छ । त्यस अनुसार नै मधेश पाइला राखिसकेकाे छु । एक चाेटी पाइला राखिसकेपछि अब ज्वराे गाडेर मात्र फर्कन्छु ।” मधेशकाे मुहार फेर्नेहरुले आफ्नाे मुहार फेरेकाे वताउँदै देशमा मात्र हाेइन विदेशमा समेत आफन्तकाे नामा सम्पती जाेडेकाे वताए । आक्षी आउदा पनि विदेशका महँगाे अस्पतालमा उपचार गराउने गरेकाे वताए । उनले मधेश नेता उत्पादन गर्ने कारखाना मात्र नभएर यहाँ बन्द रहेकाे कारखाना संचालन गरेर राेजगार सृजना गर्ने थलाे समेत भएकाे वताए ।
मधेशले खाेजेकाे शिक्षा, स्वास्थ्य, राेजगार राष्ट्रिय स्वत्नत्र पार्टीले दिने वताए । एक पटक राष्ट्रिय स्वतन्त्र पार्टीले बहुमतकाे सरकार बनाउन पायाे भने हजाँ लुकाएकाे सम्पती भएपनि बाहिर ल्याउने वताए । परिस्तिथीले जनमाएकाे पार्टी राष्ट्रिय स्वतन्त्र पार्टी भएकाे वताउँदै उनले चुनाव सम्म मधेशलाई माया गर्ने एक सय एक सपुत खाेजेर संसदमा लग्ने दाबी गरे ।
पार्टी जिल्ला संयाेजक दिलिप कुमार कुर्मीकाे सभापतित्वमा भएकाे कार्यक्रममा पार्टीका उपसभापति डिपी अर्यालय, केन्द्रिय सदस्य दिपक भाेहरा, मधेश प्रदेश अध्यक्ष तपेश्वर यादव, उपाध्यक्ष राधिका न्याैपाने, प्रतिनिधि सभा सदस्य अशाेक चाैधरी, मनिष झा लगायतकाे उपस्थिती रहेकाे थियाे । 
प्रतिक्रिया दिनुहोस् !