वीरगंज (पर्सा), ७ मंसिर । पर्साकाे छिपहरमाई गाउँपालिका वडा नं. १ मा रहेकाे श्री महादेव माद्यमिक विद्यालयमा विद्यार्थीहरुले तालाबन्दी गरेका छन् । पठनपाठन सुचारुकाे माग गर्दै विद्यार्थीहरु तालबन्दी गरेका हुन् । शिक्षक अभावका कारण कार्तिक १२ गतेदेखि विद्यालयमा माद्यमिक तहकाे पठनपाठन अवरुद्ध भएकाे थियाे । माद्यमिक तहका शिक्षक नहुँदा लामाे समय सम्म कक्षा ६ देखि १० सम्मका पठनपाठन अवरुद्ध भएपछि बाध्य भएर तालबन्दी गर्नु परेकाे विद्यार्थीहरुले जनाएका छन् ।
विद्यालयमा तालाबन्दी गर्नुकाे साथै विद्यार्थीहरु प्रदर्शन समेत गरेका छन् । प्रदर्शनमा उत्रेका विद्यार्थीहरुले प्रधानाध्यापक बिरेन्द्र यादवकाे सरुवा समेत माग गरेका छन् । शिक्षक अभावका कारण कक्षा ६ देखि १० सम्मकाे पठनपाठन हुन नसकेकाे विद्यालयका प्रधानाध्यापक बिरेन्द्र यादवले वताए । अवरुद्ध रहेकाे पठपाठन नै सुचारुकाे माग गर्दै विद्यार्थीहरु तालाबन्दी गरेकाे प्रधानाध्यापक यादवले वताए ।
विद्यार्थीहरुसंगै आएका केही राजनीतिक व्यक्तिहरु विद्यालयमा तालाबन्दी गराएकाे प्रधानाध्यापक यादवले वताए । अख्तियारमा परेकाे मुद्दाका कारण अभाव रहेकाे शिक्षक व्यवस्थापन गर्न समस्या भएकाे गाउँपालिका अध्यक्ष मनाेज कुमार गुप्ताले वताए । विद्यालय कै समस्या समाधान गर्न आइतबार कार्यपालिकाकाे बैठक बाेलाएकाे वताउँदै केही दिन समस्या समाधान गर्ने दाबी गरे ।
मंगल माविमा पनि कक्षा ११ र १२ काे पठनपाठन बन्द
छिपहरमाई गाउँपालिका वडा नं. ५ मा रहेकाे श्री मंगल मावि भिस्वाकाे कक्षा ११ र १२ को पठनपाठन बन्द भएको छ । शिक्षक अभाव कै कारण मंसिर ५ गतेदेखि कक्षा ११ र १२ काे पठनपाठन बन्द भएकाे हाे । ६ महिनादेखि शिक्षकहरुले तलब नपाउँदा कक्षा लिन नमानेकाे विद्यालयका प्रधानाध्यापक दिनेश प्रसाद कुर्मीले वताए । गाउँपालिका तलब पठाए लगतै पुन: कक्षा सुरु हुने उनले वताए । 
प्रतिक्रिया दिनुहोस् !