• मुस्कान श्रेष्ठ
वीरगंज (पर्सा), १८ कात्तिक । नेपालीहरुको महान चाँड दिपावली एवं छठ पर्व नजिकिँदै गर्दा वीरगंजमा बजार अनुगमनको नाममा झारा टार्ने काम मात्रै भएको पाइएको छ । विभिन्न जिल्लाहरुमा बजार अनुगमनले तिव्रता पाएसँगै पर्सामा भने बजार अनुगमन सुस्त देएिको हो । खासगरी चाडवाडको बेला उपभोक्ता ठगिन सक्ने सम्भावनालाई मध्यनजर गर्दै नियमनकारी निकाय चुस्तदुरुस्तका साथ बजार अनुगमन गनुपर्ने ठाउँमा झारो टार्ने काम मात्र गर्दै आएको छ ।
चाडपर्व सुरु भएदेखि नै उपभोक्ता हित संरक्षण समिति लगायतका नियमनकारी निकायले बजार अनुगमनलाई तिब्रता दिँदै आएको छ तर पर्सा जिल्लामा भने बजार अनुगमनको अभावका कारण उपभोक्ताहरु मारमा परेका छन् । खाद्य सामाग्रीमा भएको अचाक्ली मूल्यवृद्धिले पीडित भएका उपभोक्ताहरु ठगिन बाध्य छन् । चाडवाडको बेला खाद्य सामाग्री अत्यावश्यक हुने गर्दछ । व्यापारीहरुले यही मौका छोपी चर्को मूल्यमा खाद्य सामाग्री विक्री वितरण गर्ने गर्दछन् । पर्सामा अनुगमनको नाममा झारो टार्ने काम मात्र हुने गरेको हुँदा व्यापारीहरुलाई कालोबजारी गर्ने, म्याद गुज्रेका सामाग्री वितरण गर्ने सुनौलो अवसर नै पाएको छ ।
यहाँका अधिकांश पसलहरुमा खाद्य सामाग्रीको मूल्य टाँसेको पाइँदैन । भारतसँगको खुल्ला सिमा भएका कारण पारीबाटै अवैध तरिकाले कतिपय व्यापारी तथा पसलेहरुले सस्तो मूल्यमा खाद्य सामाग्री खरिद गरी यहाँ ल्याएर चर्को मूल्यमा विक्री गरिरहेका छन् । तर सम्बन्धित निकायको गैरजिम्मेवारीपन र मौनताले उपभोक्तहरु थप मारमा परेका हुन् । जिल्लाको सदरमुकाम वीरगंजमा भने बेलाबेलामा आकस्मिक अनुगमन गर्ने काम भइरहेको हुन्छ तर उपभोक्ताले महसुस हुने गरि अनुगमन हुन सकेको छैन । 
पालिकाको उप-प्रमुखको संयोजकत्वमा बजार अनुगमन समिति बनाएर पसलहरु अनुगमन नभएको पनि होइन । वीरगंज महानगरपालकिामा स्थानीय सरकारले अनुगमन गररिहेको छ तर उनीहरुको अनुगमन होटल तथा रेष्टुरेण्टहरु र फाटफुट पसलहरुमा मात्रै सीमित रहेको हुँदा अनुगमन प्रभावकारी हुन नसकेको स्थानीयहरुको गुनासो छ । केहदिनि अघि मात्रै सकिएको दशैँ पर्वमा खासै अनुगमन हुन सकेन । अहिले तिहार तथा छठपर्व नजिकिँदै गर्दा अनुगमन गर्ने निकाय नै चुपचाप छ ।
यता वाणिज्य तथा आपूर्ति तथा उपभोक्ता संरक्षण कार्यालय पर्साका प्रमुखले बजार अनुगमनले तिब्रता पाएको दाबी गरेका छन् । उनले स्थानीय तहसँग समन्वय गरेर चाडवाड लक्षित अनुगमन गररिहेको बताएका छन् । उपभोक्ता संरक्षण कार्यालय पर्साका प्रमुखले बजार अननुगमनले तिब्रता पाएको दाबी गरेपनि जिल्ला प्रशासन कार्यालय पर्साले भने अनुगमन खासै प्रभावकारी हुन नसकेको स्वीकारेको छ । पर्साका प्रमुख जिल्ला अधकिारी हिरालाल रेग्मीले जिल्लाको १४ स्थानीय तहमा सोचे जस्तो अनुगमन हुन नसकको बताएका छन् । उनले जनशक्ति अभावका कारणले बजार अनुगमन प्रभावकारी नभएको बताएका हुन् ।
बजार अनुगमनलाई औपचारकितामा सीमित नराखी परिणाममुखी काम गर्न सकेमात्र यसले साथर्कता पाउनेछ । त्यसका लागि नियमनकारी निकायका साथै अन्य सरोकारवाला निकायहरु समेतको सक्रयिता आवश्यक छ । 
प्रतिक्रिया दिनुहोस् !