वीरगंज (पर्सा), २० असोज । नेपाल सि.एम.ए. संघ पर्साको अध्यक्षमा जितेन्द्र महतो निर्वाचित भएका छन् । नेपाल सि.एम.ए. संघ पर्सा जिल्लाको चौथो अधिवेशनबाट अध्यक्षमा महतो निर्वाचित भएका हुन् । नव निर्वाचित संघको उपाध्यक्षमा हृदयनारायण महतो, सचिवमा राधेश्याम साह, सहसचिवमा महम्मद रेयाज अहम्मद, कोषाध्यक्षमा राजेश पटेल तथा सदस्यहरुमा विश्वनाथ चौरसिया, राजेश यादव, शुकरुला अन्सारी चयन भएका छन् ।
योगेन्द्र प्रसाद चौरसियाको अध्यक्षमतामा आयोजित अधिवेशनको प्रमुख अतिथि संघका केन्द्रिय अध्यक्ष रामेश्वर प्रसाद, अतिथि नेपाल प्रगतिशील स्वास्थ्यकर्मी संघको केन्द्रिय उपाध्यक्ष सुभाषचन्द्र गुप्ता, सदस्य रामदयाल मण्डल, पूर्व अध्यक्ष सोनालाल चौरसिया लगायतले आआफ्नो शुभकामना मन्तव्य व्यक्त गरेका थिए । 
प्रतिक्रिया दिनुहोस् !